Bi biryarnameya Serokkomariyê Wezareta Xizmetên Civakî, Xebat û Malbatê hat dabeşkirin û Wezîra Bazirganiyê Rûhsan Pekcan ku derketibû holê dezenfektanan ji şîrketa xwe kiriye ji peywirê hat girtin.
Serokkomarê AKP’î Recep Tayyîp Erdogan, revîzyona qabîneyê pêk anîbûn. Li gorî biryarnameya ku bi îmzeya Erdogan hat weşandin, Wezîra Bazirganiyê Rûhsan Pekcan ku derketibû holê dezenfektanan ji şîrketa hevpar a xwe û hevjînê xwe kiriye ji peywirê hat girtin. Li şûna Pekcan Serokwekîlê Koma AKP’ê Mehmet Mûş hat peywirdarkirin.
Bi biryarnameyê Wezareta Xizmetên Civakî, Xebat û Malbatê dabeşî 2 wezaretan hat kirin û Wezîr Zehra Zumrut Selçûk ji peywirê hat girtin. Bi vê re hejmara wezaretan ji 16’an derket 17’an. Li gorî biryarnameyê, Wezareta Xizmetên Civak û Malbatê û Wezareta Xizmetên Ewlehiya Civakî û Xebatê hatin avakirin. Erdogan, ji bo Wezareta Xizmetên Civak û Malbatê Derya Yanik û ji bo Wezareta Xizmetên Ewlehiya Civakî û Xebatê Vedat Bîlgîn peywirdar kir.
Siyaset Haberleri
Keşeyê Dêra Kurdî: Kesên ku çûbûn Rojavayê Kurdistanê vedigerin Libnanê
Serokê Giştî yê Partîya Welatparêzên Kurdistanê (PWK) Mustafa Ozçelîk Li Parîsê Konferansek Da
Nêçîrvan Barzanî: Jinên Kurdistanê her tim avaker û parêzvanên xak û welat in
Jens Galschiøt: Em dê ji bo bibîranîna Enfalê peykerekî çêbikin
Xwepêşandanên Mahsa Amînî | Rejîma Îranê cezayê îdamê da 6 kesên din!