Fîlma "Girls Of the Sun" weke sûc hatiye nirxandin

.

Fîlma Keçên Rojê ku derhêneriya wê Eva Hussonê kiriye û mijara fîlmê berxwedana jinên êzidî ya li dijî DAÎŞê ye di çarçoveya “propagandaya rêxistinê” de weke sûc hatiye nirxandin.

Fîlmê "Girls Of the Sun" (Keçên Rojê) ku derhêneriya wê Eva Hussonê kiriye û mijara fîlmê berxwedana jinên êzidî ya li dijî DAÎŞê ye di çarçoveya “propagandaya rêxistinê” de weke sûc hatiye nirxandin.

Welatiyê bi navê Nazim Bayram ku li navçeya Wêranşar (Doganşehîr) a Meletiyê dijî, piştî ku di 5ê Gulanê de fîlm li ser hesaba xwe yê medya civakî parve kiriye di çarçoveya lêpirsîna derbarê wî de destpê kiriye de hatiye desteserkirin.

Bayramî piştî îfade dayînê serbest maye. Her weha di îdianameya ku piştî mehekê têkildarî Bayramî  hatiye amade kirin de fîlm di çarçoveya sûcê “propagandaya rêxistinê” de hatiye nirxandin.

2yemîn Dadgeha Cezayê Giran a Meletiyê îdianame qebûl kiriye û wê danişîna wê ya destpêkê di 9ê Îlonê de were pêkanîn.

Di îdianameyê de hatiye îdiakirin ku Yekineyên Parastina Jin (YPJ), baskekî Yekineyên Parastina Gel (YPG) e, di sala 2012dan de weke tugaya jin a YPGê hatiye avakirin û girêdayî PKKyê ye.

Dozger xwestiye ku parvekirina Bayramî weke delîlekî şênber were nirxandin û bê cezakirin.

Kurdistan Haberleri

Hemû helbestên Berken Bereh di Botannameyê de çap bûn
Piştî tayînkirina qeyûman kolanên Dêrsimê bûn qada şer: ‘Dagirkerî ye’
Doza kuştina Şerzan Kurt: Biryareke nû hat dayîn
Miles Caggins: Çend gav ji bo hinardekirina petrola Herêma Kurdistanê hatine avêtin
JAPONYA - Dadgeha Saitamayê xwepêşandana li dijî Kurdan qedexe kir