Wezîrê Karên Derve yê Îraqê Fuad Husên di derbarê bidawîbûna pêvajoya erkê Hevpeymaniya Navneteweyî ya li dijî DAIŞê ya li Iraqê de got, "Ji bo bidawîbûna pêvajoya erkê hevpeymaniyê, di navbera aliyan de du xal mane ku bêne gotûbêjkirin."
79emîn Lijneya Giştî ya Neteweyên Yekbûyî (NY) li New Yorkê didome.
Wezîrê Derve yê Iraqê Fuad Husên li ser rêkeftina navbera Iraq û Deweletên Yekbûyî yên Amerîkayê (DYA) ya ji bo bidawîanîna erkê Hêzên Hevpeymaniya Navneteweyî ya li Dijî DAIŞê yên li Iraqê ji Rûdawê re axivî.
Bîdawînanî erkê Koalîsyonê
Fuad Husên got, "Eger em bi Amerîkayê re li ser erkê hêzên hevpeymaniyê li Iraqê li hev bikin, dê daxuyaniyeke hevpar were dayîn."
Her wiha Husên da zanîn “Tenê du xal mane ku li ser wan bê lihevkirin.”
Niha di navbera Îraq û Amerîkayê de gotûbêj li ser paşeroja Hêzên Hevpeymaniyê yên li Iraq û li Herêma Kurdistanê tên kirin.
Di dawiya sala 2014an de, hêzên DYAyê û piştre jî yên hin welatên din, li ser daxwaza Hikûmeta Iraqê, ji bo li dijî DAIŞê piştgiriya hêzên Pêşmerge û artêşa Iraqê bikin hatin Herêma Kurdistanê û Iraqê
Li Iraq û Herêma Kurdistanê nêzîkî 2500 leşkerên DYAyê hene. Li Sûriye û Rojavayê Kurdistanê jî nêzîkî 900 leşkerên wan hene.