Gola Wanê û Deşta Mûşê bi dehl û deviyên xwe ve ji bo çivîkên koçber dibin hêlîn.
Hewzeya Gola Wanê û Deşta Mûşê ku li ser guzergeha çivîkên koçber in, seranserî salê bi hezaran çivîkên cureyên cuda diezimînin.
Ew hewz û deşta ku ji hêla dehl û deviyan ve dewlemend in, ji rawestgehên girîng ên teyr û tûyên koçber in ku havînan berê xwe didin cihên honik û zivistanan jî berê xwe didin cihên germ.
Mirov li wê hewze û deştê çar demsalan jî dikare çavdêriya liv û tevgera gelek cureyên çivîkan bike ku nesla gelek cureyan di bin xeterê de ye.
Gelek teyr û tûyên ku serdema kurk û derxistina cûcikan li vir derbas dikin, di hêlînên xwe yên li vir de heta payîzê dimînin.
Piştî ku serma dikeve erdê jî ev çivîk berê xwe didin herêmên germtir.
Ew teyr û tû her wiha li van deverên avî ji hêla wênehez, çavdêrên çivîkan û akademîsyenan ve tên qeydkirin.