Helbestvana Kurd Karîna Osêyan yekem pirtûka xwe ya helbestan bi navnîşana ““Bêdengiya Xerîbiyê” çap kir.
Helbestvana Kurd Karîna Osêyan yekem pirtûka xwe ya helbestan bi navnîşana “Bêdengiya Xerîbiyê” çap kir.
Pirtûka yekem a helbestvan Karîna Osêyan bi navê “Bêdengiya Xerîbiyê” derket. Bêdengiya Xerîbiyê ku ji 330 rûpelan pêk tê, di nava wê de 325 helbestên nûjen û klasîk hene. û berî çend rojan aliyê weşanxaneya SerSera li Almanyayê hate çapkirin.
Helbestvan Karîna Osêyan jineke êzdî ye, li Ermenistanê ji dayik bûye, piştre ligel malbata xwe koçî Rusyayê kiriye niha ew li Fransa li bajarê Lîonê dijî.
Li ser berhema xwe, helbestvan Karîna Osêyan ji malpera K24 re ragihand: “Pirtûka min yekemîn a helbestê Bêdengiya Xerîbiyê îsal ronahî dît. Helbest hevpar, hevkar û parçeyek ji jiyana min e, ji bo min bûye, dermanên xem û xeyalê min. Di helbestên min de, êşa welat, xerîbiyê, evîn û huba Xwedê cîhê yekem digire.”
Ev jî du helbestên Karîna Osêyan in:
Xeribî û Bêkesbûn
Bi hewar û girînim
Ezman diçirînim
Ji derda dinalim
Dil bi kul û birînim
Êşa min bi şewat e
Ez xerîbê Welat e
Ne êl û ne civat e
Betalim bê xebat e
Bi tenê xwe ez jin e
Du zarok barê min e
Derd li min mezin e
Mirin cîranê min e
Dema Ez Hatim Bîra Te
Dema ku ez hatim bîra te
Were min bibe welatê xwe
Min bibe binê siya dareke sêwî
Çadirekê ava bike bi kûlîlkên rengîn
Dixwazim bibim dengê bilbilan
Û bibînim şev, şewqa stêrkan
Her sibeh li benda tîrêjên rojê
Dilê xwe vekim li ber dilê axê
Dixwazim ez fêrî jiyanê bim
Nêzîkî Xwedê, nêzîkî rastiyê
Ax, bila dîsa wêranî û xerîbî
Bila bibim girtî, nezan û hêsîr