Wezareta Karûbarên Derve ya Herêma Flanders a Belçîkayê ragihand; di civîna navbera Serokwezîrê Flandersê Jan Jambon û Serokwezîrê Herêma Kurdistanê Mesrûr Barzanî de tekezî li ser bihêzkirina hemahengî û hevkariya navbera her du aliyan di warê aboriyê de hatiye kirin.
Li gor nûçeyê, di civînê de Serokwezîrê Herêma Flanders, ku herêma herî mezin a Belçîkayê ye, spasiya Hikûmeta Herêma Kurdistanê kiriye ji ber şerkirina li dijî DAIŞê û gotiye: “Em spasiya Hikûmeta Herêma Kurdistanê dikin ji ber hewldanên şerê li dijî DAIŞê, hêzên Pêşmerge alîkarekî sereke ye û rola wan a mezin hebû di kêmkirina metirsî û gefên terorîstan li ser Ewropayê.”
Herwiha di nûçeyê de hatiye diyarkirin ku her du aliyan amadebûna xwe nîşan dane ji bo ku pêwendiyên xwe di warê aboriyê de bihêztir bikin û li ser rewşa herêmê û seqamgîriya asayîşa Herêma Kurdistanê û Iraqê û herêmê gotûbêj hatiye kirin.