Ji ber ku PAKê Roja Alaya Kurdistanê, roja 17.12.2022yê li Teşkîlata xwe ya Amedê Alaya Kurdistanê hilda bû, polîsên Emnîyeta Amedê li ser daxwaza Serdozgerê Cûmhûrîyetê yê Amedê û bi biryara dadgehê roja 19.12.2002yê avêtibûn ser avahîya PAKê. Di vê êrîşê da polîsan dest danîbûn ser kompîtirên PAKê , hemû Alayên Kurdistanê, hinek pirtûk û kovaran.
Heyeteke Komeleya Şêx Seîd roja yekşemê, 25.12.2022yê, ji bo piştgirîya PAKê , seredana Teşkîlata Amedê ya PAKê kir.
Heyeta Komeleya Şêx Seîd ji Serokê Komeleya Şêx Seîd Kasim Firat, Cîhgirê Serokê Komeleya Şêx Seîd Mustafa Bûkarkî û rêvebirên komeleyê Samed Bîlgîn, Zahît Çîftkûran, Azad Zal, Ramazan Ari pêk hatibû.
Cîhgirê Serokê Giştî yê PAKê Vahit Aba û rêvbirên PAKê, Hanîfî Tûran, Mehmet Dortyama, Salîh Kaplan, Talîp Sana, Şerîf Karakûrt, Abdûllah Polat, pêşewazîya heyeta Komeleya Şêx Seîd kirin.
Heyeta Komeleya Şêx Seîd, di vê seredanê da got ‘’Em vê êrîşa ku li PAKê û li Alaya Kurdistanê hatîye kirin protesto dikin û em pişgirîya we dikin.’’.
Cîhgirê Serokê Giştî yê PAKê Vahît Aba jî , li ser navê PAKîyan, ji ber vê seredanê û ji ber vê piştgirîya wan a dostane û germ spasîya heyeta Komeleya Şêx Seîd kir.
Hevdîtina herdu heyetan di atmosfereke dostane û berhemdar da derbas bû.
25.12.2022
Buroya Çapemenî û Ragehandinê ya PAKê