Serokê Giştî yê PAKê Rêzdar Mustafa Özçelik ligel Cîgirê Seroke Giştî yê PAKê Rêzdar Kasım Ergün û endamê Komîteya Birevebiriya Navendî û nûnerê Başûrê Kurdistanê yê PAKê Rêzdar Orhan Kaya roja 04.06.2018an li Pîrmamê, ligel Sekreterê Giştî yê Mekteb Siyasî ya PDK yê Rêzdar Fadil Mîranî hevdîtinek pêk anî.
Heyeta PAKê, ji aliyê Sekreterê Giştî yê Mekteb Sîyasî ya PDK yê Rêzdar Fadil Mîranî , endamê Mekteb Siyasî Rêzdar Remzî Şaban û endamê Eleqeta Derve Rêzdar Nîzar Botanî ve hate pêşewazîkirin.
Di hevdîtina heyeta PAKê û ya Mekteb Siyasî ya PDKê de, pêşdebirina peywendiyên herdu partiyan, rewşa bakur û başûrê Kurdistanê, Tirkiye û Iraqê hate guftûgokirin.
Hevdîtina herdu partiyan ji bo pêşdebirina peywendiyên herdu partiyan bi awayekî berhemdar derbas bû.