Heyeta PAKî (Partîya Azadîya Kurdistanî) roja 18.04.2022 de Amed de DTSO (Dîyarbakir Tîcaret ve Sanayî Odası-Odeya Tîcaretê û Sanayî ya Dîyarbakirî) ziyaret kerd.
Heyeta PAKî mîyan de Serekê Pêroyî yê PAKî Mustafa Ozçelîk, Hetkarê Serekê Pêroyî yê PAKî Kasim Ergun û Vahît Aba, Endamê Komîteya Rayberîye ya PAKî Nezîhe Karahan û Mîrza Akar, Vervatoxê PAKî Hanîfî Tûran ca girewtî.
Serekê DTSOyî Mehmet Kaya, Hetkarê Serekê DTSOyî Erdal Avşar û Ercan Tayinlamak ameyî heyeta PAKî vera.
Heyeta PAKî, semedê na pêşewazîye spasîya Mehmet Kaya û rayberanê DTSOyî kerd.
Serekê DTSOyî Mehmet Kaya û heyeta DTSOyî zî seba na zîyarete spasîya heyeta PAKî kerd.
Heyeta PAKî û heyeta DTSOyî derheqê rewşa Kurdistanî, Tirkîya û herême de vîr û rayîrê xo yewbînan rê pare kerd. Bi taybetî zî semedê waştişanê acîlî yê kurdan, bi potansîyelêko hîra terefê kurdî bêro awankerdene, her di heyetan zî vîr û ray û pêşeniyarîyê wertaxî îfade kerdî.
Pêvînayîşê heyata PAKî û heyeta DTSOyî atmosferêko dostane, berhemdar û hewl de vîyar.
18.04.2022
Buroya Çapemenî û Têkilîye ya PAKî
KIRDKÎ ( ZAZAKÎ) Haberleri
PWK: Ma Roşanê Çarşemeyê Sûrî yê way û birayanê xo yê Kurdanê Êzdîyan Pîroz kenê
PWK: Ma Şehîdanê Enfalî Bi Hurmet Yad Kenê
Mustafa Ozçelîk: Wa Roşanê Remezanî Bibo Destpêkê Vindarnayîşê Şerî, Îtifaqê Neteweyî û Azadîye
Çewlîg de bi Seyîdxan Kurij reyde Sohbet (Zazakî)
HAK-PAR, PDK-BAKUR, PSK, PWKyî Amed de, bi meşaleyan û Alayanê Kurdistanî Newroze pîroz Kerd