Endamê Meclîsa PAKî Îsmet Elçî, Husamettîn Acar û îdarekarê PAKî yê Teşkîlatê Wanî Mûzaffer Kizil roja 01.12.2021 de Wan de semedê hetkarî Haci Tûnç zîyaret kerd.
Heyeta PAKî seba helwest û vatişê ey yê welatperwerane Haci Tûnç pîroz kerd, ey rê sipas kerd û hetkarîya xo pêşkêş kerd.
Haci Tûnç bi germîyêka welatperwerane ame heyeta PAKî vera.
Wexto ke heyeta PAKî verê Haci Tûnçî de bî, Serekê Pêroyî yê PAKî Mustafa Özçelik telefon ser ra Haci Tûnç pîroz kerd û ey rê sipas kerd.
Mustafa Özçelikî va ‘’Kekê Haci Tûnç to çîyê ke zerrîya ma ra, zerrîya şarê ma ra vîyartêne îfade kerd. Ma to pîroz kenê û semedê na helwesta to ya welatperwerane mat o rê sipas kenê. Ma bi vîr û bawerî û hîsanê xo yê Kurd û Kurdistanî her tewir kişta to de ca gênê''.
Haci Tûnçî zî semedê zîyaret û paştîdayîşî spasîya PAKî kerd û va ‘’Ma pîya xurt ê. Ez hêzê xo şima welatperweran ra gêna’’.
Serekê Partiya Bediyayîşî ya Tirkîya (Türkiye Değişim Partisi) Mustafa Sarigul roja 23ê Teşrîna Peyêne 2021 de şaristanê Wanî û çend esnafî zîyaret kerdbi. Demê zîyaretî de esnafê bi nameyê Haci Tûnç qezaya Rêya Armûşê de Sarigulî rê vatbi: "Çiqas ziwanî estbê hende weş ê. Dewlemendî girêdayîya zafî ya. Girêdayîyê ziwan, netewe û kultur o. Kulturê rojhilatî zaf cîya yo. Ganî ma rojhilatî vîr nêkere. Hevalêkê ma Sêrt de va tîya Kurdistan o. 1000-2000 serran ra nat tîya Kurdistan bi û do onca sey Kurdistan bimano. Ganî ma îtîraz nêke. Homayî ma viraştî. Homa Kurdkî, Tirkî, Erebkî û Inglizî zî zano."
Haci Tûnç rîyê nê qiseykerdişê ke Mustafa Sarigul rê kerdbi û çekûya Kurdistanî xebitnabi hetê polîsanê wanî ra amebi destbend kerdene. Girewtişê îfadeyê ey ra dima amebi veradayîş. La derheqê Haci Tûnç de dewa ameybî akerdene.
01.12.2021
Buroya Çapemenî û Têkilîye ya PAKî (Partîya Azadîya Kurdistanî)