Heyeteke Partîya Welatparêzên Kurdistanê (PWK) ku ji Serokê Giştî yê PWKyê Mustafa Ozçelîk, Serokê Meclîsa PWK Ewropayê Baran Boskan, endamê Meclîsa Partîyê ya PWKyê Ferhad Boskan pêk hatibû, roja 15.11.2024ê, li Parlamentoya Hollandayê li gel Partîya Kar hevdîtinek pêk anî.
Endama Parlamentoyê û Berdevka Karên Derve û Penaberan a Fraksyona Hevbeş a Partiya Çep a Kesk (Groen-Links) û Partiya Karker (PvdA) Katî Pîrî û Berpirsê Peywendîyên Navneteweyî yê Partîya Karker Ties Huis in 't Veld, pêşewazîya heyeta PWKyê kirin.
Fraksona Hevbeş Partiya Çep a Kesk (Groen-Links) û Partiya Karker (PvdA), di Parlamentoya Hollandayê de, sêyemîn grûba mezin a Hollandayê ye û nuha di mixalefetê de ye.
Katî Pîrî demeke dirêj, di Parlamentoya Ewropayê de wek parlamentera Partiya Karker (PvdA) kar kirîye û di navbera salên 2014-2019ê de, Raportora Tirkîyeyê a Parlamentoya Ewropayê bû û rapora rewşa pêşketinê ya peywendîyên Tirkîyeyê û Yekitîya Ewropayê amade kiribû.
Serokê Giştî yê PWKyê Mustafa Ozçelîk, ji ber vê pêşewazîyê spasîya Katî Pîrî, Ties Huis in 't Veld û Fraksona Hevbeş Partiya Çep a Kesk (Groen-Links) û Partiya Karker (PvdA) kir.
Mustafa Ozçelîk di derbarê barname, sîyaset û xebatên PWKyê û di derbarê rewşa kurdan a di 101 salên Dewleta Tirkîyeyê de agahdarî da, bîr û bawerîyên PWKyê anî zimên û wek partîyeke yasayî girîngîya PWKyê anî zimên û di derbarê doza girtinê ya PWKyê de agahdarî da.
Mustafa Ozçelîk, bîr û bawerîyên PWKyê yên di çareserîya sîyasî, demokratîk, aştîyane ya pirsa kurd û Kurdistanê de anî zimên.
Mustafa Ozçelîk, mafê çarenûsîya miletê kurd û di şerdên îroyîn de girîngîya pêk anîna daxwazên acîl ên miletê Kurd anî zimên.
Serokê Giştî yê PWKyê Mustafa Ozçelîk, di hevdîtinê de bal kişand ser girîngîya Hollandayê û dewletên Ewropayê ya di derbarê piştgirîya daxwazên milî, demokratîk ên miletê Kurd de.
Katî Pîrî û Ties Huis in 't Veld, bi xêrhatina heyeta PWKyê kirin û ji ber vê seredanê kêfxweşîya xwe anîn zimên.
Katî Pîrî û Ties Huis in 't Veld, di derbarê rewşa giştî ya Hollandayê de agahdarî da û di derbarê rewşa giştî ya kurdan û ya Tirkîyeyê de hinek pirs kirin.
Herdu alîyan jî girîngîya berdewamîya têkilîyên PWK û Fraksyona Hevbeş Partiya Çep a Kesk (Groen-Links) û Partiya Karker (PvdA) anîn zimên.
Hevdîtina heyeta PWKyê ya li gel heyeta Fraksyona Hevbeş Partiya Çep a Kesk (Groen-Links) û Partiya Karker (PvdA) di atmosfereke berhemdar de pêk hat.
Buroya Ragehandinê ya Partîya Welatparêzên Kurdistanê (PWK)