Holanda: Divê li Sûriyê rêz li mafên Kurdan bê girtin

.

Wezîrê Derve yê Holandayê Caspar Veldkamp, piştî hevdîtindo doh 5ê Adarê ya ligel Wezîrê Derve yê Sûriyê Esed Şîbanî, peyamek li ser hesabê xwe yê medya civakî Xê belav kir û bal kişand ser mafên Kurdan li Sûriyê.

Veldkamp di parvekirina xwe de got, “Min li Laheyê pêşwazî li Wezîrê Karên Derve yê Rêveberiya Demkî ya Sûriyê Esed Hesen el-Şeybanî kir. Me der barê gelek astengiyên ku li ser rêya Sûriyeyeke aram û xweşguzar de têne dîtin, danûstandin kir. Min tekez kir ku divê hemû beşên civakê di veguherîna siyasî de rol bilîzin.

Rêzgirtina mafên xiristiyanan, kurdan û yên din jî gelekî girîng e. Hollanda, bi riyên wek sivikirina dorpêçên Yekîtiya Ewropayê, girêdana bi edaletê re û alîkariya mirovî, berdewam e ku bibe hevpişkê gelê Sûriyê. Ez hêvîdar im ku em ê di demeke nêzîk de gotûbêjên xwe li Şamê bidomînin.”

Kurdistan Haberleri

Robio: Amerîka bi şert di nav NATOyê de dimîne
CPT: Tirkiyeyê îsal 404 caran Herêma Kurdistanê bombebaran kiriye
Ramî Ebdulrehman: Ti kes li Sûriyeyê nikare şerê Kurdan bike
HSD û Hêzên Sûriyê 250 dîlên şer bi hev guhertin
Çiyakurd: Agirbesta Tirkiye û HSDê nêzîk e