Merkezê Xeberan- Weşanxaneyê Vateyî ke bitaybetî Kirdkî (Zazakî) ser o xebetîyeno û heta nika bi seyan kitabî û 61 hûmarê kovara Vateyî çap kerdî, humara 61. ya Kovara Vateyî weşana.
Kovara ke hîrê aşman ra reyêk vejîyena, na hûmare ci zî sey ê bînan bi babetanê muhîman û zaf renginan pirr a.
Hûmara 62. de zî şîîrî, roportajî, meqaleyî û sewbîna nuşteyî ca gênê.
Babetê ke na hûmare de ca genî tayê ci wina yê: ”Weysel Yildizhanî çend çekuyê kirmanckî yê ke yew rojnameyê bûlxarî de nusîyayî ser o nuşto. Şaîre û nuştoxe Bedrîye Topal, hamnanê 2019î de kênaya Celadet Alî Bedirxanî Sînemxane Bedirxan reyra yew roportajo balkêş kerdbi. No ropotaj zî na humare de ca gêno. Aydin Batur zî mintiqaya Gêxî dano naskerdene. Pinare Yildiz û Welat Ramanîazadî fuarê kitaban ê Amedî ser o nuşto. Şîîrê na hûmare Akman Gedîk, Abdullah Yakişan, Bazîd Cîhangîr û Rûmet Alxasî nuştê. Ozlem Akkan zî yew şîîra Nazim Hîkmetî açaranaya kirmanckî ser. Hîkayeyêka Eşqê Pergendeyî ya Pinare Yildiz û ‘Maçîkerdişê’ Hjalmar Soderbergî ya ke J. Îhsan Esparî swêdkî açarnaya zî na hûmare de ca gênê. Mesele û fiqrayê na hûmare Îsmet Bor û Nurî Keleşî nuştî. Nurî Keleşî hepsê Amedî ra yew sanike zî şawita.”
Kovara Vateyî ke serra 1997’î ra nata safî Kirmanckî yena weşanayene, ziwan, kultur, huner û xeylî babetanê bînan bi Kirmanckî wendoxanê xo rê pare kena.
Kovara ke 20 serrî ra zêdêr o bi hawayêkê perîyodîk weşanê xo domnena, averşîyayîş û standardbîyayîşê Kirmanckî de wayîrê rolêkê muhîm ya.