Namzetê Beledîyeya Îstanbulî yê CHP Ekrem Îmamoglu qezaya Sefakoy de Komela Pasûrijan dir fitar de ame yewca.
Ekrem Îmamogluyî fitar ra dima yew qisêkerdiş kerd, behsê meseleya Kurd û Kurdan kerd û wina va: Ez rast nêvînena ke meseleyê nê welatî bi nasnameyan bêrê namekerdiş. Sey nimune ez ewro kurdan dir yewca de ya. Eke mesela estba zî gere namê ci meseleya kurd nêbo. Gorê mi namê na mesela, meseleya merdimatî ya.
Îmamogluyî îzah kerd ke, xeylê meseleyê welatî estê û gere her kes pêro-pîya dest bierzo nê meseleyan ser o û meseleyan safî bikê.
Ekrem Îmamoglu semedê Kurdan vano: Qasê Tiran Kurdî zî temînatê nê welatî yê, estbîyayîş û yewitîya nê welatî de Tirkî çiqas temînat ê, Kurdî zî hende temînat ê.
Seke yeno zanayîş Serekê Pêroyî yê CHP Kemal Kiliçdarogluyî zî çend rojî verî derheqê mesela Kurd de vatbi: Ziwanê maye heqêk o û gere Parlamentoyê Tirkiya de seba ziwanê kurdî qanûnî bêrê vetiş. Tirkîya bi qedexeyan nêresena cayêk, gere ziwanê Kurdkî serbest bo û parlemento ziwanê Kurdan qebûl biko.
Sek zanîyeno îstanbul de namzetê CHP Ekrem îmamoglu bi destegê HDP û Îyî partî weçînayîş qezenc kerdbi û îmamoglu bibi serekê Beledîyeya Îstanbulî
La YSK îtîrazê AKP û MHP ser qerarê newekerdişê weçînayîşê Îstanbulî da û weçînayîşê îstanbul 23ê hezîrane de yeno newekerdiş.
Weçînayîşê îstanbulî de namzetê CHP onca Ekrem Îmamoglu yo û ê AKP zî Bînalî yildirim o.