Îraq tezmînatê dide Şingaliyên bûne mexdûrên DAIŞê

.

Îraqê nêzîkî 101 milyar dînar wekî temînat da mexdûrên êrişên DAIŞê yên li Mûsilê ku piraniya wan li navçeya Şingalê bûn.

Serokê Meclîsa Asayişa Herêma Nînowayê Mihemed Kakeyî ji medyayê re got, “Li Mûsilê di destpêka vê mehê de yekem dana mûçeyên mexdûrên êrişên wêranker dest pê kir.

Piraniya wan qurbaniyan li nav sînorên herêma Şingalê ne. Ji bo vê yekê 101 milyar dînar hatine terxankirin û biryar hat dayîn ku di nava çend rojan de 14 milyar dînarên din jî bên zêdekirin.”

Heta niha nehatiye zelalkirin ku ew kesên ku mal û milkên wan di êrişên DAIŞê yên sala 2014an de li Mûsilê zerer dîtine, dê çi qas qerebûyê wergirin.

Mihemed Kakeyî her wiha got: “Ev pereyên ku niha hatiye dayîn berdewamiya wî pereye ku ji sala 2017an heta 2021an dihat dayîn.”

Rêxistina Çavdêriya Mafên Mirovan a Cîhanê (HRW) diyar kir ku ew pere ji bo 11 hezar mexdûran hatine dayîn ku ji wan 3 hezar û 500 kes li Şingalê ne.

Kurdistan Haberleri

Netanyahu: Ez dê destûrê nedim ku Îran çekên nukleerî bi dest bixe
Rûsya û Ukraynayê dîl bi hev guhertin
Ehmed Şer bi endamekî Kongreya Amerîkayê re civiya
Bafil Talebanî: Balafir û dronên Tirkiyê nahêlin PKK kongreya xwe fesihkirinê li dar bixe
Baroya Diyarbekirê giliyê HTŞê li Dadgeha Cezayê û NY kir