Balyozê Îsraîlê li Neteweyên Yekbûyî Ron Proser, daxwaz ji nûnerên her 5 welatên mezin (Amerîka, Çîn, Rûsya, Brîtanya û Fransa) û 61 welatên din ên cîhanê kir ku piştgiriya serxwebûna Kurdistanê bikin.
Duhî civîna Encumena Asayişa Navdewletî li ser gefên li ser kêm neteweyên Rojhilata Navîn bû û di wê civînê de Balyozê Îsraîlê li Neteweyên Yekbûyî Ron Proser axaftinek pêşkêş kir.
Proser di axaftina xwe de wiha got: “Kurd hêza sereke ye li dijî DAIŞê ne. Em daxwaz dikin ku piştgîriya serxwebûna wan a siyasî were kirin.”
Piraniya nûnerên welatên ku di civînê de amade bûn, behsa kurdan wek hêzeke sereke li dijî DAIŞê kirin, ku kurd rojeva wê civîna mezin a Neteweyên Yekbûyî bû.
Dîplomatê iraqî Serhed Serdar ji Rûdawê re ragihand: “Ji sala 1991ê ve, di ti civîneke Encumena Asayişa Navdewletî de hewqasî behsa kurdan nehatiye kirin. Îro li Neteweyên Yekbûyî roja kurdan bû.”
Herwiha Parlamentera kurd a Êzîdî ya Îraqê Viyan Dexîl di wê civînê de axaftinek pêşkêş kir û daxwaz ji Encumena Asayişa Navdewletî kir ku kurdên êzîdî biparêze û komkujiya ku DAIŞê aniye serê wan jî wek jenosîd qebûl bike.
Dexîl di axaftina xwe de behsa rewşa kurdên êzîdî û komkujiya ku DAIŞê aniye ser wan kir û got, heta niha zêdetirî 5 hezar kurdên êzîdî wenda ne ku 3 hezar jê jin in û çekdarên DAIŞê bi wan ticaretê dikin.
Wê parlamentera kurd a êzîdî anî ziman ku DAIŞ kurdên êzîdî dikuje, jinên wan direvîne û difroşe û wiha got: “Em nizanin çima vê yekê tînin serê me?!.”
Viyan Dexîl ji endamên Encumena Asayişa Navdewletî xwest ku kurdên êzîdî biparêzin û komkujiya ku DAIŞê aniye serê wan jî wek jenosîd nas bikin.
Dexîl her wiha bang li hêzên navdewletî kir da ku di şerê DAIŞê de alîkariya artêşa Iraqê û Pêşmerge bikin û ew deverên ku ji ber şerê DAIŞê wêran bûne, dîsa ava bikin.
Herwiha di wê civînê de ku nûnerên nêzîkî 70 welat û saziyên navdewletî axivîn, hemû aliyan tekez kirin ku li Rojhilata Navîn gefeke rasterast li ser olên cuda kêm neteweyan heye.
Kurd, kurdên êzîdî û xirstiyan wek mînak bo wan kûltûrên cuda behsa wan dikirin ku gefeke rasterast li ser wan e.
Rojhilta Navîn Haberleri
Wezîrê Samanên Xwezayî: Em bo hinardekirina petrolê bi Bexdayê re digehin çareseriyê
Fermandarê Hêza Qûds a Îranê li Bexdayê ye bi berpirs û fermandarên komên milîs re civiya
Amerîka: Em piştgiriya asayîkirina pêwendiyên Sûriye û Tirkiyeyê nakin
Mesûd Pizîşkiyan bû serokkomarê Îranê
Li Îtalyayê keştî bin av bûbû: 35 term hatin dîtin