Navenda Nûçeyan- Li Amedê Weqfa Alîkarîya Mirovî û Koçberîyê (GIYAV) Kargeha Mafên Zarokan vekirîye û di bin banê kargehê de 20 zarokên dezavantaj bi xêz û vegotinên xwe pirtûka bi navê “Mafên Zarokan” derxistin. Pirtûk bi kurdî û tirkî hatîye amadekirin. Di pirtûkê de zarokan 10 wêne û 10 çîrok vegotine. Pirtûk li refên pirtûkxaneyan cihê xwe girt.  

Zarokan di pirtûkê de mafên zarokan wên wek perwerde, hîndekarî, parastin, lîstik, hezkirin, tenduristî û kêfkirin vegotine û dê zarok roja îmzeyan ji bo pirtûkê amde bikin. 

Roja îmzeyan di 20’ê cotmehê de li Mala Hunerê ya Laleşê dê bê lidarxistin û dê zarok pirtûkê ji xwîneran re îmze bikin. 

Ji reveberên projeyê Dîlan Ok da zanîn ku proje bi desteka “Ji Bo Beşdarîya Zarokan Mîkro-Fon” hatîye amadekirin û ji bo taybetmendîyên mafên zarokan derkevin pêş vê xebatê li gel zarok û malbatên wan birêve birine. 

BI KURDÎ Û TIRKÎ NIVÎSANDINE 

Ok anî ziman ku bi vegotina zarokan pirtûk li ser mafên zarokan hatîye amadekirin û got: “Berîya xebatê me zarokan amade kir. Em wek şahîyê axivîn. Dema zarokan bihîst ku wê bibe pirtûk kêfa wan hat û bi kelecan bûn. Di pirtûkê de bi wêneyan mafên cih digire. Pirtûk ji zimanê kurdî û tirkî pêk tê.” 

Ok banga beşdarîya roja îmzeyan a pirtûkê kir. 

ZAROK KÊFXWEŞ IN 

Suleyman Kiliç ê 13 salî ku di pirtûkê de çîrok nivîsandîye mafên zarokan yek bi yek jimart û bal kişand ser girîngîya mafên zarokan. Kiliç dîyar kir ku ji ber ew ê pirtûkê îmze bike gelek kelecanî ye û xwest her kes beşdarî roja îmzeyan bibe. 

Esma Donat jî di pirtûkê de dara mafên zarokan xêz kirîye û ji ber pirtûkê kêfxweşîya xwe anî ziman. 

Çavkanî: Ajansa Mezopotamya