Jiyana Alan Kurdî yê 3 salî, ku termê wî li kenarê Deryaya Egeyê hatibû dîtin, dibe film.
Jiyana Alan Kurdî ew zarokî ji Rojavayê Kurdistanê ku di rêya koçberiyê de li Derya Egeyê de xenqîbû dibe film. Li navçeya Bodrum a Îzmirê tomakirina dîmenên fîlmê dest pê kir.
Omer Sarikaya yê bi fîlmên bi navên Îslamfobî, Meleka Bêdeng û Feryada Bêdeng tê naskirin derhêneriya fîlmê lixwe girtiye.
Di fîlma ku behsa çîroka koçberiya Alan Kurdî û malbata wî dike de lîstikvanê Hollywoodê Steven Seagal, Alî Sabrî Belaid û Aydan çakir rol wergirtine.
Hêjayê bi bîrxistinê ye ku, Komek koçberên Rojavayê Kurdistanê û Sûriyê di 2yê Îlona 2015ê de li Derya Egeyê li qeraxa Bodrûmê ku dixwestin herin giravên Yûnanîstanê keştiya wan binav bibû û Alan Kurdî jî di nav de gelek koçber di deryayê de xeniqîbûn.
Alan Kurdî ji malbateke Kobanî bû û malbata wî wek gelek welatiyên Rojavayê Kurdistanê ji ber şerê Sûriyê bi hêviya jiyaneke baş berê xwe dabû welatên Ewropa.