Komîteya Rayberîya Konfederasyona Kurdê Diaspora - Diakurd roja 27/1/2022 kombîyayîşê xo yê yewinî online ser o kerd.
1) Nirxnayîşê Kongreya Zaraya Welatperwere
Kongreya Diakurdî bi beşdarî qasê 120 kesanê bi fîzîkî û 60 kesanê online ser o, bi beşdarîya temsîlkaranê Federasyon û merkezan, qismêk pispor û şexsanê Kurd û temsîlkaranê partiyanê Kurdistanî roja 22/1/2022 Stockholm de virazîya. Kongre seba rêzgirewtişê xebata mamosteya Kurd Zara Mihemedî a ke hetê rejîmê Îranî ra amey zindankerdene, bi nameyê Kongreya Zaraya Welatperwere ameybî name kerdene.
Komîteya Rayberîye, şîyayîşê kongre û awanbîyayîşê Diakurdî ser o amey têhet, goreyê şert û mercê estbîyayîşê pandemiya korona, komîte viraştişê kongre serkewte û semedê kurdanê diaspora sey destvisnayîşêko tarîxî şîrove kerd. Komîte bi yew veng îfade kerd ke, karûbarê xo de girêdayîyê destûrê tesdîqkerdeyî û qiraranê kongre bê û do semedê lazimî, pêşnîyar û prosesê vernîya ma ke kongre de ameybî behskerdene xebatî berê kerdene.
2) Organîsyonê Organê Diakurdî
Kongre de bê çar temsîlkaranê federasyonê endam, çar endamê bînî û di endamê hetkarî zî semedê komîteya rayberîye ameyî weçînayîş. Kombîyayîşê yewinî de serek, sekreter û mesulê îkdîsadî bi yewrayî ameyî weçînayene. Komîteya rayerî nê kesan ra yena ca:
• Adnan Axacan, serek
• Welat Nehri, sekreter
• Lilan Mele Abdullah, mesulê îkdîsadî
• Nujin Alacabek
• Keya Izol
• Roj Khalaf
• Adnan Muxtar
• Mehmet Tanriverdi
• Şevki Ozkan, endamo hetkar
• Hiwa Shwani, endamê hetkare
Komîteya rayberîye do demêko nêzdî de îdarekaranê komîsyonê taybetî biweçîno û pa organanê bînan yan zî Encûmena Şewirmendan û Komîteya Çimdarîye seba bewlîkerdişê wezîfeyê înan ca bidê bi.
3) Nirx û armancê Diakurdî
Diakurd xebate û têkiliyanê xo de hurmet dano îrade û serweriya Kurdanê diaspora. Diakurd girêdayîyê erjanê neteweyî yo û wazeno bi pawitişê xoserîya xo ya aborî, siyasî û organîzasyonî semedê pêruna Kurdistaniyan û dostanê kurdan biba organîzasyonêka cayê bawerîye.
Diakurd hurmet dano xebata heme partiyanê siyasî yê Kurdistanî, û muhîmîyêka taybete dano têkilîya xo ya bi Herêma Başûrê Kurdistanî reyde.Têkilîyê Diakurdî bi Herêma Kurdistanî û hetanê siyasî reyde bingehê erjanê neteweyî û hetkarîya dihetî ser o bo. Diakurd a destvistişanê Herêma Kurdistanî paweno û pêrûna perçeyanê Kurdistanî de hetkarî dano heqê xo îdarekerdişî yê şarê Kurdî. Diakurd Yewîtî, hemkarî û yewperçeyîya şarê kurdî armancanê xo yê serekîyan ra yew vîneno.
Komîteya Rayberîya Konfederasyona Kurdê Diaspora – Diakurd
30/1/2022
BIWANE: DIAKURD BI KONGREYA STOCKHOLMÎ AWANBÎYAYÎŞÊ XO KERD RESMÎ