Di 12mîn kongreya Partiya Demorkata Kurdistan-Sûriya (PDK-S) de 29 endamên Komîteya Navendî ya partiyê ji aliyê endamên kongreyê ve hatin hilbijartin.
12mîn Kongreya PDK-Sê roja Şemiyê 10ê Hezîrana 2023an bi amadebûna 202 endaman li paytexta Herêma Kurdistanê bajarê Hewlêrê destpê kiribû û sibeha îro 12ê Hezîranê bi dawî hat. Kongre li Hola Seid Ebdulla ya bajarê Hewlêrê hat lidarxistin û Serok Mesûd Barzanî jî di roja yekem a kongreyê de amade bû û gotarek pêşkêş kir.
Endamên Kongreya PDK-Sê ji Herêmên Cizîr, Kobanî û Efrînê yên Rojavayê Kurdistanê, her wiha bajarên Şam û Helebê yên Sûriyê hatibûn Hewlêrê.
Di kongreyê de herwiha nûnerên penaberên Rojavayê Kurdistanê yên li Herêma Kurdistanê, Bakurê Kurdistanê û welatên Ewropayê jî amade bûn.
Di duyemîn roja kongreyê de, 29 endamên Komîteya Navendî ya PDK-Sê hatin hilbijartin. Tora Medyayî ya Rûdawê lîsteya navên endamên Komîteya Navendî ya PDK-Sê bidest xistiye û belav dike. Li gorî zanyariyên Rûdawê, 115 kesan xwe ji bo endamtiya Komîteya Navendî ya PDK-Sê berbijêr kiribûn.
Li gorî zanyariyên Rûdawê, Dr. Lezgîn Fexrî bi 88 dengan dengê herî zêde bidext xisitiye.
Herwiha Besê Ebdî jî bi 84 dengan di nava jinan de dengê herî zêde bidest xistiye.
Bi biryara kongreyê ji bo endamtiya di Komîteya Navendî ya PDK-Sê du kota ji bo jinan hatibûn diyarkirin, lê belê sê jin bi dengên xwe serkeftin misoger kirine.
Lîsteya navên endamên Komîteya Navendî ya PDK-Sê wiha ye:
Dr. Lezgîn Fexrî 88 deng
Besê Ebdê 84 deng
Seîd Omer 83 deng
Xalid Kemal Derwîş 80 deng
Hoşeng Semkemûr 80 deng
Hacî Kalo 78 deng
Hêvî Wanlî 72 deng
Kamîran Haco 73 deng
Nafih Beyro 73 deng
Hiyam Ebdulrehman 69 deng
Horo Osman 66 deng
Mihemed Salih Şilaş 64 deng
Dilovan Robarî 62 deng
Hesen Remzî 62 deng
Henan Efrînî 61 deng
Mihemed Ismaîl 61 deng
Salih Cemîl 60 deng
Ebdulkerîm Mihemed 59 deng
Dr. Hekîm Beşar 58 deng
Hisên Şerbet 57 deng
Mihemed Şêrîn Mihemed Emîn 57 deng
Serhan Hesen 56 deng
Ferhad Şahîn 55 deng
Mihemed Elî 54 deng
Şêrko Kenaan 54 deng
Dr. Ehmed Melek 54 deng
Nafih Ebdulla 53 deng
Ebdulrehman Etar 53 deng
Berzan Faris Silêman 53 deng
Raid Ehmed Hiso 53 deng
Lîsteya navên endamên Komîteya Navendî ya PDK-Sê
Komîteya Navendî ya PDK-Sê di yekem civîna xwe de dê Sekreter û Polîtburoyê hilbijêre.
Sekreterê berê yê PDK-Sê Siûd Mela xwe ji bo posta serkirdayetiya partiyê berbijêr nekiriye.
Partiya Demorkata Kurdistan-Sûriya (PDK-S) di sala 1957an de wek yekemîn partiya Kurdistanî li Rojavayê Kurdistanê û Sûriyê hatiye damezrandin. Kongreya 11an a PDK-Sê jî di destpêka Nîsana 2014an de li Hewlêrê hatibû lidarxistin.