Federasyona Komeleyên Kurdên Navnetewî (FKKN) konferansa xwe ya salane li bajarê Sankt-Peterbûrg a Rûsyayê destpê kir.
Rojnamevan û Nivîskar Hejarê Şamil ji Kurdistan24 re diyarkir, ku Konferans bi rojevek dewlemend lidar dikeve. Ligor agahdariyên Hejarê Şamil ji nav Konferansê:
Di civîna roja yekemîn a Konferansê de endamên Gurcîstanê, Azerbaycanê, Ermenistanê, Qazaxistanê, Qirgizistanê, Bêlorûsya yê, Rûsya yê (bajerên curbecur) beşdar bûn.
Rojeva civînê jî, ji van mijarên jêrîn pêkhat:
- Pirsgirêka Kurd di rojeva cîhanî ya sedsala 21an de.
- Pirsgirêkên Kurdên Sovyeta berê wekî gelê surgunkirî.û Sazkirina komîteyekî ji bo çareserkirinê wan pirsgirêkan.
- Teyîdkirina endamên rêveberiyê û parvekirinê erkan.
- Tesdîqkirinê Bernameya FKKN.
- Amadekirina Foruma Ciwanan.
- Amadekirina Komîteya Jinan.
- Ji bo astengkirinê asîmîlasyonê, pêşxistinê karên çandî û perwerdeyî.
- Amedekirinê wasîteyên perwerdeyî ji bo dûrvehînbûnê zimanê Kurdî.
- Derbarê karên FKKN li babetê hevkariya diasporên dîtir ve.
- Amadekirinê komîsyonekê ji bo lêkolîna dîroka Kurdên Kafkasyayê û Sovyeta Berê bi giştî.
- Bangewazî ji lidêrên cihanê re, di derbarê dagirkirinê Kerkuk, Şengal û Efrînê de.
Herweha rojnamevan-nivîskar Şamil ji K24 re anî ziman, ku civîn bi axaftin û nirxandinên dewlemend di derbarê mijaran de dom dike...