Vê sibê li Kolana Artiklar a Taxa Ziya Gokalp a bajarokê Sûrê agir bi qata yekem a avahiyeke 3 qatî ket. Niştecihên avahiyê malbata 8 kesî ya di hundir de agahdar kirin û yek ser ji hundir derketin, lê dûmanê bandor li wan kiribû.
Li ser agahdarkirinê tîmên vemirandina agir û tendirûstiyê gehiştin cihê bûyerê û 7 jê zarok 8 kes bi ambûlansan bo Nexweşxaneya Dewletê ya Selahedîn Eyûbî û Nexweşxaneya Zarokan a Zanîngeha Dîcleyê hatin veguhestin.
Agir ji aliyê tîmên peywendîdar ve hat vemirandin û hat ragihandin ku rewşa her 8 kesan baş e.
Tê texmînkirin ku agir ji ber kontakta elektrîkê derketibe lê heta niha ti daxuyaniyên fermî nehatine dayîn. Lêkolîn derbarê sedema agirpêketina malê de berdewam e.