Li bajarên kurdan ên wek Amed, Batman û Qoserê rêvebirên Partiya Vatanê ji ber daxuyaniya Dogu Perinçek ku gotibû ‘eger bibim serokomar ez ê HDPê bigrim' wê ji endamtiya partiyê îstîfa bikin.
Îro seet li 13:00an li Amedê derbarê mijarê de civîneke çapemenî tê lidarxistin.
Hêjayî gotinê ye ku mafyayê MHPeyî Alaattin Çakici jî bi rêya Parêzerê xwe namzedê HDPê yê serokomariyê Selahattin Demirtaş û Hevserokê HDPê Sezai Temelli tehdîd kiribû û gotibû: Li min guhdarî bike, min gelek kes bêhiş xistin e, derbarê Bahçeli de ti gotinekê bike ez ê te bêhiş bixim, dema ku derkeve derveyî Tirkiyeyê helbet çar-pênç kes pêşwaziya te bikin."
Serokê Partiya Vatanê yê Şaxa Amedê: Em ê dengê xwe bidin HDPê
Serokê Partiya Vatanê yê Şaxa Amedê Selahattin Gonul îro civîneke çapemenî li dar xist. Gonul di daxuyaniya xwe ya çapemeniyê de got: "Mafê tu kesî tuneye partiyeke ku 6 milyon deng wergirtibe were girtin. Em ji partiya xwe îstîfa dikin û em ê dengê bidin HDPê."