Li Efrînê çekdarên girêdayî artêşa Tirkiyê, bi armanca standina fidyeyê, 5 welatî revandin.

Li gor Rêxistina Mafên Mirova li Efrînê belav kir, koma Polîsa Leşkerî bi armanca standina fidyeyê, pêr 1ê vê mehê 4 welatî ji gundê Behdîna yê li navçeya Raco revandin.

Navên kesên hatine revandin Xelîl Hac Mihemend Şaban, Omer Beyrem Elo, Rifet Husên Mihemed û Ebdo Mihemed Yûsif in.

Herwiha Rêxistina Mafên Mirova diyar kir, piştî ku Xelîl Hac Mihemend Şaban fidya 1 hezar lîreyên dan, hate berdan. Lê çarenivîsê her sê revandiyên din ne diyar e.

Rêxistinê diyar kir, 1ê vê mehê Polîsa Leşkerî bi armanca revandinê bi ser mala Azad Îsmaîl li navçeya Şera de girt, lê ew ne li malê bû. Ji bo ku rastî dûçûnê neyê, wî bi xwe radestî wê komê kir.

Li gor zanyariyên Rêxistina Mafên Mirova, pêştir jî Azad Îsmaîl ji aliyê komên çekdar ve hatibû revandin û 6 mehan di girtîgehên wan de mabû.