Li herêma Omeriyan, di şikefteke deriyê wê bi keviran hatiye girtin de hestiyên mirovekî/ê hatin dîtin. Tê gotin dibe ku ev hestî aîdî kesên di salên 90'î de hatine windakirin bin.
Li herêma Omeriyan a Nisêbîna Mêrdînê, dema gundî û koçeran heywanên xwe diçêrandin ji ber baranê zêde berê xwe didin şikefteke deriyê wê bi keviran hatibû girtin. Dema deriyê şikeftê vekirin û ketin şikeftê hestiyên mirovekî/ê dîtin. Ev şikeft di navbera gundê Şabanê, Serêkaniyê û Stilîlê de li cihekî heye û wekî Newala Rişvan jî tê binavkirin. Hestiyên hatin dîtin hestiyên serî, mil û lingan û parxwanên mirovekî/ê ne. Lê nehat zanîn ev hestî ên kê ne.
Ji bo cenazeyê li şikeftê, gundiyan bilêv kir ku ew ê serî li Şaxa Komeleya Mafên Mirovan (ÎHD) a Mêrdînê bidin. Tê payîn ku piştî serlêdanê wê ÎHD gilî bike û piştî gilîkirinê jî ger dozger li ser bisekine wê aşkere bibe ku hestiyên navbirî ên kê ne. Ji ber devê şikeftê bi keviran hatiye girtin tê texmînkirin ku dibe ev hestî aîdî kesekî/e di salên 90'î de hatibe windakirin bin.
çavkanî: M.A
Kurdîstan Haberleri
Heyeta PWKyê Li Parîsê Seredana Nûneratîya Hikûmeta Herêma Kurdistanê ya Fransayê Kir
Heyeta PWKyê Li Parlamentoya Hollandayê Li Gel VVD (Partîya Gel a Azadî û Demokrasîyê) Hevdîtinek Pêk Anî
ZAXO - Keçeke din a Kurd a Êzidî hat rizgarkirin
Hosteya dawî ya qir û qafikan: 45 sal in vî karî dike
Ji bo 2 pirtûkên Weşanên Aryenê biryara komkirinê hate dayîn