Li kampa Holê ala DAIŞê hate bilindkirin!

Rêveberiya kampê û hêzên asayişê derbarê bûyerê de lêkolîn dane destpêkirin.
Hejmarek aware û girtiyên DAIŞê yên li Kampa Holê ala DAIŞê di nav kampê de bilind kirin.
 
Li gor wêne û dîmenên vîdeoyî yên ku li ser medyaya civakî hatine belavkirin, ala DAIŞê li ser stûneke elektîrkê ya li nav kampê hatiye danîn.
 
Piştî ku rêveberiya kampê û hêzên ewlehiya kampê ji bûyerê haydar dibin, hêzên asayişê wê ala DAIŞê tînin xwarê û derbarê bûyerê de dest bi lêkolînan kirine.
 
Kampa Holê ya koçberan, 40 kîlometre dikeve rojhilatê bajarê Hesekê ya Rojavayê Kurdistanê. Piraniya akinciyên kampê çekdarên girtî, jin û zarokên DAIŞê ne.
 
Rojane jinên DAIŞê tevlîhevî û aloziyan li nav kampê çêdikin, di dema dawî de alaya DAIŞê jî di nav kampê de hat bilindkirin.
 
Herwiha zarokên DAIŞê jî di rewşeke gelekî xirab de dijîn. Di vê derbarê de berpirsên UNICEFê daxwaz dikin ku ew zarok vegerin welatên xwe daku di zûtirîn dem de ji hizr û perwerdeya DAIŞê rizgar bibin.
 
Nûnerê UNICEFê li Sûriyê Fran Equiza dibêje: "Wiha diyar dibe ku rewş li kampê aloz e, ne cihekî asan e wek tê xwestin, otomobîlên me rûbirûyê avêtina keviran bûn, xelkê êrîşî me kir, bi qotîkên tunan êrîş kirin, dixwazin çadiran jinav bibin, herwiha endamên Asayîşa kampê rûbirûyê lêdana bi kêran bûn, berî du rojan ala DAIŞê li nav kampê hat bilindkirin, rewş gelekî xirab e."