Li Soran û Raperîn ti pêketîyekî bi Korona nemaye

Li du deverên Herêma Kurdistanê, hemû pêketîyên bi vîrusa Korona baş bûne û ti pêketîyekî bi wê vîrusê nemaye.

Navenda Nûçeyan - Rêvebirê Tenduristîya Soran Dr. Karwan Cemal ji K24ê re ragihand, duhî test ji pêketîyên bi vîrusa Korona re hatin kirin û encam nerênî bû. Niha hemû nexweşên Korona li devera Soranê baş bûne û kesek li nexweşxaneyan nemaye.

Dr. Karwan Cemal dîyar kir, li devera Soranê 12 kes bi vîrusa Koronaya Nû COVID-19 ketibûn û piştî wergirtina çareserîyan, hemû baş bûne û vegerîyane malên xwe.

Ji alîyekî din ve, Rêvebirê Giştî yê Tenduristîya Raperîn di konferanseke rojnamevanî de ragihand, îro dawî pêketîyê bi vîrusa Korona li devera Raperîn baş bûye û vegerîye mala xwe.

Da zanîn jî, bi girtina rêkarên xweparastinê û bi biryarên Odeya Operasyona Rûbiribûna Koronayê, li ser çend qonaxan jîyana welatîyan asayî dibe.

Ev yek di demekê de ye, 2 roj in li Herêma Kurdistanê pêketina kesên nû bi vîrusa Korona nehatine tomarkirin.

 

Siyaset Haberleri

Parlamentoya Îraqê biryar da ku Helebce bibe parêzgeh
Nêçîrvan Barzanî û Ehmed Şer civiyan
NYT: Li Sûriyê zêdetirî 100 kargehên çekên kîmyewî hene
Şanda Rêveberiya Parêzgeha Helebê serdana ENKSê kir
Rêber Ehmed: Kurdistan pabendî rûbirûbûna tawanên rêkxistî û torên bazirganîkirina bi mirovan e