Licê de hetêk ra operasyonê eskerî dewam keno û vajîya ke, muxtar û extîyarî zî tede 13 tenî hetê eskeran ra ameyî tepiştiş.
Vizêr artêşa tirke taxanê Mizag, Xemzê, Mexmedêlê, Melê, Qormik, Zengêsor, Dizeynî de operasyonêko eskerî dabi dest pêkerdene. Operasyon de eskeran eşt xeylî keyeyan zî. Muxtar û extîyarî zî mîyan de 13 kesî ameyî tepiştiş.
Operasyonî de muxtarî Mekîn Yalçin û Ramazan Aslano 74 serre zî tede 13 kesî ameyî tepiştiş. Kesê ke ameyî tepiştiş erşawîyay Fermandarîya Cendirmeyan a Licê û uca ra zî neqlê Mudirîya Asayîşî ya Amedî bîyî.
Ame zanayîş ke dosyaya tepişyayeyan ser o qerarê nimiteyî esto.