Heyetê Kovara Vateyî bi beyanatêk aşkere kerd ke, Musabeqaya Hîkaye û Şîîran a Kirmanckî (zazakî) ya Kovara Vateyî ya 2. dest pêkerde.
Kovara Vateyî verê cû zî serrgêra 25. ya ronayîşî ya weşanxaneyê Vateyî de musabeqayêk viraştbî.
Musabeqa bi şîîre û hîkaye virazîyena. Seba musabeqa muracatê beşdarîye dest pêkerd. Tarîxê beşdarîya peyêne zî 15ê hezîrana 2020î yo.
Goreyê beyanatê Kovara Vateyî şertê musabeqa wina yê:
-Musabeqa warê şîîre û hîkaye de do biba, kesê ke wazenî eşkenê beşdarê her diyan zî bibê.
-Esero ke musabeqa rê erşawîyeno ganî verê cû cayêk de weşanaye nêbo
-Eserê ke beşdarê musabeqa benê ganî goreyê rastnuştişê Grûba Xebate ya Vateyî bêrê nuştene
-Kesê ke îmkanê ci estê eşkenê eserê xo bi rayîrê dîjîtalî bierşawê, kesê ke îmkanê ci çin ê eşkenê eserê xo bi rayîrê posta bierşawê.
-Ganî beşdarî eserê xo reyde bi kilmî cuya xo binusê û nameyê xo yê rastikênî hetî de nameyê xo yê mexlesêkî binusê. Eserê bi nameyanê mexlesan ê beşdaran do bêrê ercnayene. Endamêkê jurî ra berî endamê bînî yê jurîdo heta peynîya musabeqa nameyanê rastikênan ê beşdaran nêzanê.
Xelata Kovara Vateyî seba şîîran û hîkayeyan wina ya:
Hîkayeya yewîne 3000 TL, ya diyîne 2000 TL, ya hîrêyîne 1000 TL
Şîîra yewîne 3000 TL, ya diyîne 2000 TL, ya hîrêyîne 1000 TL
Xelata Kovara Vateyî do tebaxe de Amed de bêra îlankerdene û dayene
Endamê jurî yê hîkaye: Munzur Çem, Denîz Gunduz, Pinare Yildiz
Endamê jurî yê şîîre: M. Malmîsanij, J. Îhsan Espar, Bedrîye Topaç