Serokê Giştî yê Partîya Welatparêzên Kurdistanê (PWK) Mustafa Ozçelîk:
Ew dewleta ku li Narîna biçûk digere, gelo dê li faîlên 17000 ‘’faili meçhûlan’’ û li bi hezaran kesên wendayî jî biger
e?Keça kurd ya 8 salî, Narin Goren ya Amedî, ji roja 21ê Tebaxa 2024ê ve wenda ye. Ango Narîna biçûk ya delal, 18 roj in ku wenda ye û mixabin em nizanin ka dijî yan na. Em hemû di nav xemeke mezin de ne. Em hêvî dikin ku Narîna delal bi saxî û selametî bê dîtin û rewşa wê dîyar bibe.
Rayedarên Dewleta Tirkîyeyê dibêjin ‘’Em bi hezaran kesan û sedan amûr, wasite û cîhazan li narînê digerin. Helbete ku ev karekî baş e, erenî ye.
Weke ku tê zanîn, di salên 1990î de 17000 kes hatin kuştin û ew kes bi navê ‘’faîlî meçhûl’’ hatin pênase kirin; faîlên van kuştinan hîna jî nehatine diyarkirin û dîtin.
Bi hezaran ji wan 17000 kesên ku weke ‘’faili meçhûl’’ têne pênasekirin û hatinin kuştin, cenazeyên wan dahî nehatine dîtin; malbatên wan heta nuha jî negihîştîne cenazeyên wendayîyên xwe.
Nuha ez dixwazim ji Serokkomarê Komara Tirkîyeyê Rêzdar Recep Tayyîp Erdogan bipirsim:
‘’Gelo ji bo ku cenazeyên wan kesên “qesasnediyar” ango “faîlî meçhûl” bê dîtin û ji bo faîlên kuştina wan 17000 bêne tesbît kirin jî gelo hûn dê bi hezaran karmendên dewletê û bi sedan amûr, wasite û cîhazan seferber bikin?”.
Bihêvî û daxwaza ku keça me Narîn bi saxî û selametî were dîtin û bigihîje malbata xwe.
07.09.2024
Mustafa Ozçelîk
Serokê Giştî yê Partîya Welatparêzên Kurdistanê (PWK)