Serekê PAKî Mustafa Ozçelîkî va, Herêma Kurdistanî çareserkirdişê meselaya Kurde de aktorêka esasî ya.
Serekê Pêroyî yê Partiya Azadiya Kurdistanî (PAK) Mustafa Ozçelîk beşdarê bultenê Rûdaw TV bi û behsê muhîmîya zîyaretê Serekê Herêma Kurdistanî Nêçîrvan Barzanî yê Tirkîya kerd. Mustafa Ozçelîkî va, Herêma Kurdistanî çareserkirdişê meselaya Kurde de aktorêka serekin a. Dewleta Tirkîya kena ke wa wa Kurdî tu cayêk de nêbê wayîrê statuyêk û heqanê xo nêgîrê. No sîyasetêko xelet o.”
Ozçelîkî behsê muhîmîya zîyaretê Serekê Herêma Kurdistanî Nêçîrvan Barzanî yê Tirkîya kerd û wina dewam kerd: Ma hêvîdarê no pêvînayîş şerê Bakurê Kurdistanî vindarno. Seba ney zî ganî ma destê Kurdanê Bakurê Kurdistanî bi destê Herêma Kurdistanî bihêz bike.”
Mustafa Ozçelîkî va: Vernîya hemine Kurdan de îmkanê tarîxî estê. Ganî ma qezencanê Herêma Kurdistanî û Rojavayê Kurdistanî bipawe. Ganî ma siyasetê sivîlî bihêz bike.”
Serekê PAKî Ozçelikî îzah kerd ke semedê siyasetê nika yê Tirkiya nêeşkenê vajê, bi nê zîyaretê Serekê Herêma Kurdistanî Nêçîrvan Barzanî do prosesêko newe dest pêbiko.”