Serokê Yekîtîya Odeyên Dikandar û Zinaetkaran a Batmanê Salîh Kaplan bi kêfxweşî pêşwazî li M. Feyyaz Ekmen û şanda pê re kir. Di şandeyê de Serokê Teşkîlata Batmanê ya PAKê Azîz Özdemîr jî amade bû.
Di hevdîtinê de Namzetê Serbixwe Feyyaz Ekmen behsa hişmendîya şarezayîya xwe kir û tekezî li ser girîngîya beşdarbûna civaka sivîl bo birêvebirina şaredarîyan kir û got: 'Ez di projeyên xwe de bi xeyalên pûç bangeşeyan nakim ku li şûna ku hezar tiştî bibêjî û yek bikî. Em ê di şaredarîya xwe de tevî xelkê xwe, tevî sazî û dezgehan, zanîngeh û pisporan bi hev re birêve bibin û divê civak pirsgirêkên xwe , ew bixwe çareser bike.
Serokê Odeyê Salîh Kaplan jî pêşî serkeftin ji Tifaqa Welatperwer û Demokrat re xwest û got digel ku karekî zehmet e, pengaveka girîng e da ku wê alternatîfek ji sîyaseta kurdî re ava bike.