Îro Namzetên Serbixwe yê Şaredarîya Bajarê Mezin a Amedê Saît Aydogmuş, ê Rezanê Hîdyayet Fîdan, ê Peyasê Zekî Ekîncî û yê Yenîşehrê Ramazan Kahramaner, çûn serdana HUDA-PARê.
Di serdanê de Namzetê Serbixwe yê Şaredarîya Bajarê Mezin a Amedê Saît Aydogmuş, behsa armanc û girîngîya Tifaqa Welatperwer û Demokrat kir û got rêya me wê rêya pirrengîyê veke û em beyî ku projeyên xwe pêşkêşî hinekan bikin, xizmetguzarîyê bikin.
Serokê Teşkîlata Amedê ya HUDA-PARê Osman Aktaş jî anî zimên ku ew weke partî jî weke mirovên bawermend jî ti carî nasnameya xwe ya kurdî înkar nekiriye û ji ber ku ew bixwe nakevin hilbijartinan, ew hilbijêr in û daxwaza piştgirîyê jî di nav partîya xwe de dê binirxînin.
Piştî HUDA-PARê namzetên serbixwe çûn serdana HAK-PARê jî.
Endamê Konseya Birêvebirinê ya HAK-PARê Sertaç Çinar ji namzetên serbixwe re eşkere kir ku ev alternatîfa ku we ava kiriyî, ne rêya sêyem, rêya duyem e û bi hêvîya ku dengekî baş bistîne û wisa pê de çû: "Em piştgiîyê didn alternatîfan. Encama ku hûn ê bidest bixin bo me girîng e û serkeftinê ji we re dixwazim."
Seroka Teşkîlata Amedê ya HAK-PARê Berrîn Eren jî serkeftinê ji namzetên serbixwe re xwest.