Navenda Hevkarî ya Partiyên Kurdistana Îranê, li derheq hewl û çewtekariyên rejîma Îranê yên li derheq êrîşên dronan yên di vê dawiyê yên ser Îsfehanê, daxuyaniyek belav kir.
Daxuyaniyê wiha ye:
Di heyama çend rojên derbasbûyî de, piştî êrîşa li ser hejmarek binkeyên leşkerî yên rejîmê li Îsfehanê, medyayên girêdayî navendên ewlehî û leşkerî yên Komara Îslamî di hewlek çewtekarî de û bi xapînokek din, tiliya tawanan ber bi aliyê partiyên Kurdî yên opozisyon dirêj kiriye. Dezgehên propagendeyên rejîmê îdi`a dikin ku ev êrîş bi alîkarî û çavsaxiya partiyên Kurdî yên li Başûrê Kurdistanê rûniştîne, kelûpelên dronan hundrî Îranê bûne û ew partî û alî li ser daxwaz û spartina dezgehên nûçeyî yên welatên neyarên Îranê di vê êrîşa dronan de beşdarî kirine.
Navenda Hevkarî ya Partiyên Kurdistana Îranê vê îdi`a rejîmê bi tundî red dike û radigihîne ku, dûr û nêz ti pêwendiyek me bi wan êrîşan re tunebûye û nîne. Herçawan ku me berê jî ragihandibû ku partiyên Kurdistana Îranê ti demî li nav xaka Herêma Kurdistanê bo ti êrîş û gefeke ewlehî û leşkerî li dijî Komara Îslamî bikar neaniye û ya ku heta niha Komara Îslamî kiriye hincet û hewl daye bo xapandina bingeha mijaran, ev bo mebestek taybet bûye.
Xuyaye ku ev yekem car nine Komara Îslamiya Îranê bi drev, çewtekarî û sinaryoyên berdewam, rê bo sînûr derbaskirina, kiryarên terorîstî û êrîşên leşkerî bo ser xaka Herêma Kurdistanê û derbe lêdan li partiyên siyasî yên Kurdistanê xweş dike. Lê, li hundrî Îranê, xelk bi tevahî naveroka cinayetkarane û dijî gele vê rejîmê naskirine û bawerî bi wan çewtekarî û sinaryoyan nakin, hem di nav kom û civînên navdewletî de jî, Komara Îslamî bi vê karnameya ku bi destêverdan li karûbarên navxweyî welatan û afirandina kirîzan de he ye, ti hitbarek bo xwe nehiştiye.
Komara Îslamî li hemû rewşekê de li hember nerizayetiyên bê mînak yên xelkê Îranê rû bi rû ye û hem di bin givaşeke zêde ya navdewletî de ye, û nikare bi çewtekariyên han xwe li asta berpirsayetî û pêbend bûnên bi pirensîpên navdewletî xwe bidize. Her ji ber vê yekê ye ku carek din tevî redkirina bangihêjiyên bê bingeh yên rejîmê, bala civaka cîhanî, Îran û gelê Kurd û navendên biryarder yên bo hincet pê girtin û şerxwazane yên Komara Îslamî radikşînin û her di vê pêwendiyê de daxwaz dikin ku rê û cihên hewce û goncav bidin berahîka xwe.
Navenda Hevkarî ya Partiyên Kurdistana Îranê
12`ê Rêbenda 1401`ana Rojî
1`ê Şibata 2023`an
Çavkanî: Kurdistan Media