Nêçîrvan Barzanî li ser êrişa li Enqereyê: Şermezar dikim!

.

Serokê Herêma Kurdistanê êrişa çekdarî ya li Enqereyê şermezar kir.

Li navçeya Kahramankazanê ya parêzgeha Enqereyê li Şirketa Hevpar a Pişesaziya Feza û Hewayê ya Tirkan (TUSAŞ) êrişeke çekdarî hat kirin û piştî wê dengê teqînan hat bihîstin.

Li gorî daxuyaniya Wezîrê Karên Navxwe yê Tirkiyeyê Alî Yerlîkaya di êrişa çekdarî de heta niha 5 kes hatine kuştin û 22 kes jî birîndar bûne.

Alî Yerlîkaya her wiha da zanîn ku 2 êrişkar jî hatine kuştin.

Serokê Herêma Kurdistanê Nêçîrvan Barzanî li ser êrişa çekdarî ya li Enqereyê daxuyaniyek da.

Nêçîrvan Barzanî ji malbatên kuştiyan re sersaxî xwest û ji birîndaran re daxwaza şîfayê kir û got:

“Ez êrişa terorî ya îro ya li Enqereyê şermezar dikim.

Duayên min ji malbatên qurbaniyan re ne û ji birîndaran re jî şifayê dixwazim.

Em li dijî terorê bi gel û Hikûmeta Tirkiyeyê re di nava piştevaniyê de ne.”

Kurdistan Haberleri

PWK : Jenosîda Dêrsimê xelekek ji siyaseta ji holê rakirina miletê Kurd e
Qedexekirina alfabeyên kurdî yên Latînî, Kirîlî û Aramî - Veysel Vesek*
Koye / Cara yekem nexweşiya Kirim-Kongoyê li Kurdistanê hat tomarkirin
Partiyên siyasî yên Rojhilat li Iraqê hatin qedexekirin!
Sûriyê bendera Laziqiyê ji bo 30 salan da kompaniyeke Fransî