Nivîskara Kurd Gulgeş Deryaspî, ku berî çend rojan li li Bedlîsê hatibû destserkirin, ji aliyê dadgehê ve hat girtin.
Li parêzgeha Bedlîsê û navçeyên wê Tetwan û Norşînê bi fermana Serdozgeriya wî bajarê Bakûrê Kurdistanê, hêzên polîs ên Tirkiyê roja 25ê Tîrmehê bi ser gelek navnîşanan de girtibûn û 9 kes hatibûn desteserkirin ku yek ji wan jî nivîskara Kurd Gulgeş Deryaspî bû.
Nivîkara Kurd Gulgeş Deryaspî ku endama PEN a navdeletî ye, îro derket pêşberî dadgehê û bi tometa, "endamtiya rêxistinê" biryara girtinê derbarê wê de hat dayîn. Deryaspî bo Dadgeha Tîpa E ya Bedlîsê hat rê kirin.
Parêzerê Deryaspî Mîmar Onal, derbarê mijarê de ragihand ku tometên li dijî muwekîla wî bêbingeh in û ew dê li dijî biryara dadgehê îtiraz bikin.
Nivîskara Kurd Gulgeş Deryaspî, endama PEN a navdewletî ye û pirtûkên bi navên, ‘Tariya Bi Tav’, ‘Xezal’ û ‘Ez Ne Ezim’ nivîsandine.