Parêzgariya Dêrsimê bi daxuyaniyeke nivîskî ragihand ku li devera çiyayî ya navçeya Mazgêrdê tîmên cendirmeyên tevgera taybet ên ser bi Fermandariya Cendirmeya Bajêr ve, li dijî gerîlayên PKKê operasyon kir.
Di daxuyaniya parêzgariyê de hate gotin ku di encama operasyonê de 2 gerîlayên PKKê canê xwe ji dest dane.
Herwiha hate destnîşankirin ku operasyon dê berdewam bin.
Ji aliyê din ve li herêmên çiyayî yên navçeya Pasûr a Amedê jî operasyonên hêzên ewlehiyê yên Tirkiyê berdewam in.
Li herêmên operasyon têne kirin di heman demê de qedexeya derketinê jî hate ragihandin û xelkê deverê nikarin pez û dewarên xwe derxin.