Di daxuyaniya ku ji aliyê Buroya Çapemenî û Ragihandinê ya PAKê ve ji Rûpela Nû re hatî şandin de wisa hat gotin:
"Em êrişa ku li Teşkîlata Manîsa ya PSKyê hatîye kirin şermezar dikin.
Di çend saetên ewil ên roja 25.10.2018an de, çend kesên faşîst û nijadperest li Manîsaya bajarê Tirkiyeyê êrîş birin ser avahiya Teşkîlata PSKyê û zerara maddî jî dane avahiyê.
Ev êrîş ne bes êrîşeke ku li PSKyê tenê hatiye kirin.
Ev êrîş, êrîşeke faşîst, nijadeperst û şoven e û li hemû Kurd û Kurdistaniyan hatiye kirin.
Ev êriş êrîşa wan kes û aliyên ku ji azadiye, ji demokrasiyê, ji wekheviyê , ji çareseriyên bi rê û rêbazên siyasî û sivîl ditirsin e.
Tu êrîş dê nikaribe rê li ber têkoşîna gelê me ya ji bo azadiyê bigire.
Em êrîşa li ser avahiya Teşkîlata Manîsayê ya PSKyê hatiye kirin, şermezar dikin û em bi hevalên xwe yên PSKyê re ne."