“Wazîfeyêkê esasî yê dewlete zî ewro vera tehlûkeyê virusê Korona, pawitişê weşîye û cuyayîşê hemehepsîyê ke hepisxaneyan de manenê yo.
Gorê MadeyêHeqanê Weşîye yêPeymanê Heqanê Komelkî, Kulturî û Ekonomîk yê Netewê Yewbîyayî, gorêxeylî peymanêmîyannetewî û qeraranê mehkemeyanêmîyannetewî, nabo ke hepsîyê ke hepsixaneyan de yê heqê înan yê weşîye û cuyayîşî rabêpar bêrê verdayîş.Rewşa înan a hûqûqî çi benowa bibo, pawitişê weşîye û cuyayîşê heme hepsîyê ke hepisxaneyan de yê,wazîfe û mesulîyêka bingehîneyê Dewleta Tirkîyaya.
Ewro qasê 300 hezar kesî hepisxaneyan de hepsî yê. Hukmatê AK Partî seba ke na hûmare bineyke kêmî biko, wazeno Qanûnê Înfazî de tay vurnayîşan biko. La aşkereyo ke, gorê zanayîşan, hukmat nêwazeno hepsîyanê sîyasî û hepsîyê ke fikir û nuşteyanê xo ver hepisxaneyan de manenê nê qanûnê înfazî ra feyde bigîrê.
Helbet ke gere heme ceza, qerar û kerdenê ke vernîya azadîya fikrî û xo îfade kerdişî, azadîya xebata sîyasî û rêxistinî gênê orte ra wedarîyê. Gere Qanûnê Bingehînî û heme qanûnê bînan de, garantîyê seba azadîya fikrî û xo îfade kerdişî, azadîya xebata sîyasî û rêxistinî bêrê ca.
La her çî ra ver ewro nê vurnayîşê ke Hukmatê AK Partî wazeno Qanûnê Înfazî de bîyaro ca, gere gorê prensîbê seypeybîyayîşî yê hûqûqê gerdûnî bêrê rastkerdiş. Gere heme hepsîyê sîyasî ke seba xebatanê xo yê sîyasî, seba nuşteyanê xo, seba îfade kerdişê fikranê xo, bi awayêko bê hûqûqî, bi awayêko neheq, bi qeraranê şikdar amê cezakerdene û ameyê tewqîfkerdene zî nê vurnayîşê Qanûnê Înfazî ra feyde bigîrê.”
31.03.2020
Buroya Çapemenî û Têkilîye ya PAKî