"PAK: Helebçe bi çekanê kîmyewî verika heme dinya de şehîd kewt!
Roja 16yê Adara 1988 de Helebçeyê Başûrê Kurdistanî hetê rejîmê Beesî yê Seddam Huseyinî ra bi bombeyanê kîmyewî ame bombardûmankerdene û qasê 5000 kesî ameyî qetil kerdene, bi hezaran kesî zî birîndar bîyî. Zafê qurbanîyan doman û cinî û pîr bîy.
Jenosîdê helebçeyî qismêk Jenosîdê Enfalî bi. Jenosîdê Enfalî de 182.000 Kurdî û Kurdistanî hetê rejîmî Beesî yê Seddam Huseyinî ra ameybî qetil kerdene.
33 serrî ser ra vîyartî la hema zî şêlikê Helebceyî birînê jehrê kîmyewî ra xilas nêbîyê. Bajarê Helebçeyî bi temamî jehrî ra nêameyo pakkerdiş.
Helebçe de tena miletê Kurd ney, temamê merdimayî 5000 rey amey qetil kerdene.
Jenosîda Helebçeyî sûcê vera merdimayî yo.
Ma Jenosîdê Helebçeyî xo vîrî ra nêkerd ma do xo vîrî ra nêke zî.
Jenosîdê Helepçeyî zî nêeşkayo vernîya rayîrê têkoşînê dewaya azadîya Kurdistanî bigîro û do jenosîdê neweyî zî nêeşkê vernîya rayîrê têkoşînê dewaya azadîya Kurdistanî bigîrê.
Birîna Jenosîdê Helebçeyî ewro pê Dewleta Federe ya Başûrê Kurdistanî yenê pêşayîş.Her destvistişê netewî, niştimanî yê her perçeyêkê Kurdistanî û azadî û xoserîya heme Kurdistanî do na birîne zêde ra bipêşo.
Ma serrgêra Jenosîdê Helebçeyî ya 33ine de heme kerdox û hetkaranê nê jenosîdî şermezar kenê.
Ma venga Netewê Yewbîyayî (UN) û heme dewletanê dinya danê ke demê jenosîdî de û hetanî ewro vera nê sûcî de ker û lal mendê danê ke, wa fek na bêvengîya xo ra veradê û jenosîdê Helebçeyî qebûl bikê.
Ma şehîdanê Helepçeyî û heme şehîdanê Kurdistanî bi hurmet yad kenê.
16.03.2021
Buroya Çapemenî û Têkilîye ya PAKî"