Cenazeya endamê PAKî, hevalê ma, welatperwero Kurd Îzzet Kandemîr ewro (31.12.2020) Sewrêge de ame defin kerdene.

Mezelê welatperwerê Kurd, kedkar û kadroyê dewaya azadîya Kurdistanî, endamê PAKî Îzzet Kandemîrî bi Alaya Kurdistanî ame pêşayîş.

Seemdê tedbîranê Covid-19î zaf welatperwer û heval û heskerdoxê welatperwerê Kurd Îzzet Kandemîrî nêeşkay beşdarê cenaze bibê. La ancî zî, pa keyeyê Îzzet Kandemîr, şarê Sewrêge, rayber, endam û hetgiranê PAKî yê Sewrêge, Ruha û Amed ra zaf welatperwerî beşdarê cenazeya Îzzet Kandemîî bîyê.

Nameye PAKî ser o çelengêka gulan mezelê Îzzet Kandemîrî ser de amey ronayîş.

Kedkarê dewaya azadîya Kurdistanî, welatperwero Kurd Îzzet Kandemîr, xeylî wext estbi ke rîyê nêweşîya kansêrî ra  tedawî dîyêne. La çi heyf ke roja 30.12.2020 de nêweşxaneyê Îstanbulî de dinayay xo bedilna.

Îzzet Kandemîr 50 serran ra zêdêro ke kedkar û têkoşêr û xebatkarê dewaya azadîya Kurdistanî yo.

Îzzet Kandemîr endamê DDKOyî, kadroyêkê PDK-T, KİP-DDKDyî bi û rayver bi, kadroyêko welatperwer, azadîwaştox, netewî, demokrat ê Kurdistanî bi.

Îzzet Kandemîr roja awanbîyayîşê PAKî ra hetanî ewro sey endam û kadroyêko esasî, bi tecrube, zanayîş û fikranê xo, hevalêkê ma yo ercîyaye bi.

Îzzet Kandemîr, bi îşkenceyê ke dîbi, bi hefs û zehmetîyê ke cuyaybi bi zerrweşî, bi nefsqijî dewaya azadîya Kurdistanî de cayê ey yo muhîm estbi.

Îzzet Kandemîr heto bîn ra bi fotogragkaşîya xo zî kadroyê Kurdan y jêhat bi.

31.12.2020

Buroya Çapemenî û Têkilîye ya PAKî