PAK (Partîya Azadîya Kurdistanî):
Efrîn de kênaya Kurde ya bi namê Melek Nebîh Xelîl ke 16 serrî bî, pê destê terorîstanî OSOyî amey qetil kerdene.Terorîstan na kênaya Kurde remnabî, ci rê tecawuz kerdbî û badê zî kiştbî.
Melek Nebîh Xelîl roja 23ê Gulana 2020î de bi destê Tugaya Sultan Mûrad a ke girêdayîyê OSOyê terorîst a ra amey remnayîş û roja 5ê Hezîrana 2020î de tirmê aye nêzdîyê dewa qezaya Ezazî ya Firîzîye de ame vînayene.
Ê terorîstê OSOyî ke Melek Nebîh Xelîl kiştê, bi desteg û hetkarîya Dewleta Tirkîya Efrîn de karanê pîsan kenê.
Helbet ke no reya yewine nîyo ke kênayê Kurdan rastê destdergî, tecawuz, şîdet û kişyayîşan yenê.
Demê pêrûna qetlîamanê Bakurê Kurdistanî de, Rojhilatê Kurdistanî de, Enfalê Başûrê Kurdistanî de kêna û cinîyê Kurdan raştê hêrîşanê kovane û cinsî ameyê.
Tewr pêynî hêrîşanê DAIŞî yê terorîstî û kov de bi hezaran kênayê Kurdanê Êzidîyan sey êsîr kewtî destê DAIŞî, raştê tecawuzan ameyî, bazaran de ameyî rotene, ameyî kiştene.
No karo bêînsanî, nê hêrîşî û destdergî û kiştişî ewro zî Rojavayê Kurdistanî de dewam kenî.
Qurbanî û xeleka tewr peynî ya nê tecawuzî û qetlîaman zî Efrîn de kênaya Kurde Melek Nebîh Xelîl a.
Ma nê terorîstanê ke kênaya Kurde Melek Nebîh Xelîl kiştê û ê ke peyê înan de yê şermezar kenê. Gere nê wehşîyê qilêrinî û destegdarê înan rind bizanê ke, do bi tu qayde nêeşkê vernîya dewaya şarê ma ya meşrû bigîrê.
Buroya Çapemenî û Têkilîyê ya PAKî