Parlamenterê Ruha yê HDPyî Nusrettin Maçin semedo ke Parlamentoya Tirkîya deçekûya ‘Kurdistanî’’ xebitna ceza girewt û semedê 3 rojan Parlamentoya Tirkîyara ame dûrîvistene.
Nika Parlamentoya Tirkîya de ser budçeya Dewleta Tirkîyaya 2022yîpêvînayîş dewam keno, Parlamenterê Ruha yê HDPyî Nusrettin Maçin zî derheqê budçe de qiseykerdişêk kerd.
Nusrettin Maçin cayêkê qiseykerdişê xo de va ‘’Ma do bi şîarêTirkîyaya demokratîke û aştî, Kurdistanî rê azadî bêrê ser îktîdarî’’.
Semedo ke nê qiseykerdişê xo de çekûya ‘’Kurdistan’’ xebitnayo, tikê parlementerê Tirkan îtîraz kerd.
Goreyê qanûnê Parlamentoya Tirkîyaxebitnayîşêçekûya Kurdistanî qedexe yo û sebebê ceza yo. Heto bîn ra wexto ke parlamenterêk/e Kurdkî qisey keno/a, qiseykerdişê ey/aye bi bahaneyê ‘’bi ziwano ke kes nêzano çi ziwan o’’ yeno qeyd kerdene.
Na cezaya ke dîyaya Nusrettin Maçinî, nîşanêçîne hesibnayîşê raştîyêka tarîxî, cografî û neteweyîye ya. Kurdistan nameyê weletê miletê Kurd o û raştîyêka ke bi hezaran serrano ke Rojhilatê Mîyanênî de yeno zanayene.
Qedexeyê Parlamentoya Tirkîya bi nê çîyan zî nêqedîyeno.
Parlamentera HDPyî ya Ruha Ayşe Surucu roja 08.12.2021 derheqê meseleyanê îkdîsadî û ziwayî yê ‘’Herêma Rojhilat û Başûrê RojhilatêTirkîya’’ de Parlamentoya Tirkîya de qiseykerdişêk.
Qiseykerdişê xo yê bi Tirkî de Ayşe Surucu va ‘’Ez wazena bi ziwanê xo yê maye, bi kurdkî zî çend çîyan vaja. Ez do nê vatişanê xo açarnî Tirkî zî’’ û dest bi qiseykerdişê bi kurdkî kerd.
La Hetkara Serekê Parlamentoya Tirkîya Sureyya Sadi Bilgiç va ‘’Birêz Surucu, Ez qiseykerşanê to ra çîyêk fehm nêkena. Eke şima verdê ke parlamenterî zî ci ra fehm bikê do rind bo’’ û badê mîkrofonê Ayşe Surucu pada, nêverda wa bi kurdkî qisey biko.
Na cezaya ke semede vatişê ‘’Kurdistan’’ ameya dayene û astengkerdişê qiseykerdişê bi kurdkî reyna îspat keno ke, Parlamentoya Tirkîya bin ê halê xo, ne cayê çareserîya meseleya Kurd û Kurdistanî ya, ne zî cayê qiseykerdişê na meseleya ya.
Na cezaya ke semede vatişê ‘’Kurdistan’’ ameya dayene û astengkerdişê qiseykerdişê bi kurdkî hetêk ra zî binpay kerdişê heqê azadîya fikrî û binpay kerdişê azadîya xo îfade kerdişî û heqarete li kurdî zî.
Ma na cezaya ke semedê vatişê ‘’Kurdistan’dîyaya Parlamenterê Ruha yê HDPyî Nusrettin Maçinîprotesto kenê.
09.12.2021
Buroya Çapemenî û Têkilîye ya PAKî