Ewro 1ê Îlone. 1ê Îlone Roja Aştî ya Dinya ya. Hêrişê hêzê faşîst û mîlîtarîstî yê Nazîyanê Almanan bi xoverrodayîş û bi qehremanîya şaranê Sowyetan û ê bînan ame vindarnayene, hêzê faşîstî sernêkewtî.
Semedo ke wa na roje û no xelisyayîş nêrê vîrkerdene, semedo ke pêrodayîşî bi metodanê aştîyane bêrê safîkerdene, şarê dinyayî na roje sey 1ê Îlone Roja Aştî ya Dinya îlan kerdê.
Netewên Yewbîyayî ewilî roja 1ê îlone sey Roja Aşitî qebûl kerde. La Netewê Yewbîyayî badê cû na roje vurna û roja 21ê Îlone sey Roja Aşitî ya Dinya qebûl kerd.
La çi heyf ke na hêvî zergun nêbî. Demêk badê dinyaya ma bîye şahîdê cenganê bînan. Hema zî nê cengî dewam kenê. Nika welatê ma mîyanê şerî de yo û newe ra yeno parekerdene.
Dewleta Tirkîya polîtîkaya xo ya vera Kurdan çi heyf ke hema zî domnena. Tirkîya semedê aştî û çareserîya sîyasî hêviyêk nêdana çewî, gamêk nêerzena.
Na rastî zî esta ke êyê ke Tirkîya de aştî û demokrasî wazenê zî nêbîyê hêzêk û hereketêko xurt.
No welat de ektorê aştî û demokrasî, Kurdê ke tewr zaf mexdurê şerî yê, ê bi xo yê.
Ma venga Dewleta Tirkîya danê: Şer de israrkerdiş, dewamî û xorînkerdişê bêçareserîya 97 serran o. Bi no qayde yew tek mesela safî nêbena. Ca de peynîya na polîtîka û sîyasetê vera Kurdan bîyarêne!
PKK zî bi çalakîyanê xo yê çekdarî zirar dana şarê ma, bena sebebê polîtîkaya şidetî û bêçarrserîye ya Dewleta Tirkîya. Bakûrê Kurdistanî de pêrodayîş û çalakîyê çekdarî vernîya xebata sîyasî û demokratîke gênê. Coka PKK gerê pawê Dewleta Tirkîye nêvindo û derxal çalakîyanê xo yê çedarîyan vindarno.
Ma venga Dewleta Tirkîya danê ke, wa pêruna partîyanê Kurd û Kurdistanî mixatab bigîro, prosesê dîyalogî û çareserîya sîyasî bido destpêkerdiş.
Ma venga heme hetê Tirkîyayîyan û Kurdistanîyan danê ke, wa 1ê Îlone Roja Aştî ya Dinya de semedê safîkerdişê meseleya Kurde û semedê aştî, azadî û edaletî na roje bikerê destpêkêk û vengê xo berz bikerê.
Ma bi wesîleya 1ê Îlone Roja Aştî ya Dinya ra ma wazenê bîyarê vîrê heme dewletan û şaranê dinya ke, herême de û dinya de nefteyê aştî yê tewr muhîman ra yew zî azadîya Kurdistanî û heqê qederê xo tayînkerdiş o.
1 Îlone 2020
Buroya Çapemenîye û Têkilîye ya PAKî