Di daxuyaniya ku ji aliyê Buroya Çapemenî û Ragihandinê ya PAKê ve hatî şandin de wisa hat gotin:
"Şeva 28.12.2011an li Robozkê 34 Kurdên ku piranîiya wan zarok û ciwanên bûn, bi êrîşa balafirên Dewleta Tirkiyeyê hatin qetilkirin.
7 sal li ser qetlîama Robozkê yê derbas bû.
Ev qetlîama ku Dewleta Tirkiyeyê kiriye hîna jî weke ''faîlî maçhûl'' maye.
Dewleta Tirkiyeyê, hem kiryardara vê qetlîamê ye, hem hîna jî qurbaniyên qetlîamê sûcdar dike.
Dewletên cîhanê li himber vê qetlîamê, hîna jî weke kerr û koran tevdigerin, temaşe dikin.
Em di wê bawerî û hêvîyê de ne ku Qetlîama Robozkê û qesas û berpirsên wê, rojekê dê bêne darizandin.
Belê, me qetlîama Robozkê ya ku di şeva 28.12.2011an de ji alîyê Dewleta Tirkiyeyê ve hate lidarxistin ji bîr nekiriye. Em vê qetlîamê careke din jî şermezar dikin.
Em şehîdên Robozkê û hemû şehîdên xwe bi giramî bi bîr tînin, ruhê wan şad, cîhê wan bihuşt be."