PAKî roja 18.10.2020 de Anqara de Kongreya xo ya Yasayî ya Diyîne ya Îstîsnayî viraşte.
Gorê Qanûnê Partîyan yê Tirkîya her partîyêka yasayî, mecbûra ke Kongreya xo ya Pêroyî Anqara de virazo.
PAKî waştêne ke Kongreya xo ya Diyîne bi beşdarîya heme delege, endam û hetkaranê PAKî û bi beşdarîya mêmanan û ya şarê ma, bi hawayêko qefleyî virazo. La çi heyf ke rîyê tehlûkeyê pandemîya covîd-19î nêeşkabî Kongreya xo virazo. Coka zî bi beşdarîya delegeyanê PAKî, bi tedbîranê covid-19î Kongreya xo ya Diyîne ya îstîsnayî ya PAKî virazîyena.
Kongreya PAKî ya Diyîne ya Îstîsnayî gorê rojeva ke verê cû ameya amade kerdene virazîya.
Birêzan Mehmet Gül, Faiz Eşin, Mehmet Gül ke sey Dîwanê Kongre ameyî weçînayene.
Kongre binê Ala Kurdistanî de seba şehîdanê Kurdistanî bi rêzgirewtiş dest pêkerd.
Ziwanê Kongre bi Kurdkî û bi Tirkî bi.
Serekê Pêroyî yê PAKî Mustafa Özçelikî destpêkê Kongre de qalîkerdişêk kerd, badê heme raporê xebate ameyî wendene û hetê delegeyan ra ameyî qebûlkerdene. Kongre, gorê tedbîranê Covîd-19î virazîya û rojêk dewam kerd.
Kongre de gorê prosedure yasayî Serekê Pêroyî û endamê esil û yedek ê Meclîsa Partîye û endamê esil û yedek ê Heyetê Dîsîplînî yê Merkezî ameyî weçînayene.
Kongre de Birêz Mustafa Özçelik pê rayanê pêruna endam û delegeyan newe ra sey Serekê Pêroyî yê PAKî ame weçînayene.
Kongreya PAKî ya Diyîne ya Îstîsnayî ya Asayî de, Meclîsa Partîye bi beşdarîya gênc û cinî û endamanê neweyan amey newekerdene.
Kongreya PAKî ya Diyîne de delegeyê PAKî bi hîra rewşa sîyasî ya Bakurê Kurdistanî, Tirkîya, her hîrê perçeyanê bînan yê Kurdistanî, herême û dinya ser o vindertê. Heto bîn ra delegeyan Kongre de xebate û lazimtîyê PAKî yê sîyasî, aborî, îdarî û yê bînan, sîyasetê newe yê PAKî û programê ey yê xebate yê seba vernîya ma ser o bi hîra qisey kerdê û xeylî qerarê neweyî girewtî.
Mîyanê wazîyetê xirabî yê Covîd-19î de zî Kongre bi hawayêko serkewte qedîya.
PAK roja 18.10.2014 de Amed de sey partîyêka meşrû ameya ronayene. Kongreya PAKî ya Diyîne ya Îstîsnayî roja serrgêra ronayîşê PAKî ya 6ine de, roja 18.10.2020 de amey viraştene. Viraştişê Kongreya PAKî ya Diyîne ya Îstîsnayî, têkoşînê azadîya Kurdistanî de nîşanê qerardarî, dewamî û averberdişê xebatanê PAKî yo.
Kongreya PAKî ya Diyîne ya Îstîsnayî perspektîfanê xo yê sîyasî û qeraranê xo do rojanê vernîya ma de bi Beyanatêk Encamnameyê Kongre raya pêroyî rê pare biko.
Kongreya PAKî ya Diyîne ya Îstîsnayî şarê ma rê pîroz bo.
18.10.2020
Buroya Çapemenî û Têkilîye ya PAKî (Partîya Azadîya Kurdistanî)