Serekê Pêroyî yê PAKî Mustafa Özçelik:
"Spas heme partî, rêxistin, dezgeh , keye û kesanê ke semedê wefatê hevalê ma Kek Feyyaz Ekmen bîyê hemparê dejê ma
Hetkarê Serekê Pêroyî yê PAKî, hevalê ma, kek Feyyaz Ekmen roja 30.04.2021 de rîyê nêweşîya Covîd-19 Almanya de dinyaya xo bedilnabi.
Wefatê kek Feyyazî ra pey, roja 03.04.2021 de Almanya de hetê keyeyê kek Feyyaz Ekmenî û PAKî ra merasîmêkê oxirkerdişî ame viraştene. Ê mersîmî de Alaya Kurdistanî tabûtê Kek feyyaz Ekmenî ser o amey pêştiş û nameye keyeyê Kek Feyyaz Ekmenî û nameyê PAKîyan ser o endamê Meclîsa PAKî Sirac Kirici derheqê cuyayîş û têkoşînê kek Feyyaz Ekmenî de qalîkerdişêk kerd.
Roja 04.05.2021 de zî cenazeya kek Feyyaz Ekmenî Almanya ra erşawîya Êlihî (Batman). Bi hezaran kesî waştê beşdarê merasîmê heqkerdişê cenazeya Kek Feyyaz Ekmenî bibê, la çi heyf ke rîyê qedexeyê Covîd-19î ra nêeşkay beşdarê merasîmî bibê. Roja 04.05.2021 de bi beşdarîyêka pîle, cenazeya kek Feyyaz Ekmenî qezaya Kercewsî yê Êlihî de amey definkerdiş, mezelê Kek Feyyaz Ekmen bi Alaya Kurdistanî ame pêşayene.
Qebrê kek Feyyaz Ekmenî , endamê Meclîsa PAKî Eyup Alacabey mesajê Serekê Pêroyî yê PAKî wend û derhheqê cuyayîş û têkoşînê kek Feyyaz ekmenî de qalîkerdişêk kerd. Her çiqas pandemî estbi zî, keyeyê hevalê ma Kercews de taziye na ro û bi hezaran kesî beşdarê taziye bîy.
Key ke qedexeyê Covîd-19 wedarîyo, wextêkê minasîî de, bi beşdarîya keye, heval, nas û dostê kek Feyyazî û welatperwerê Kurdistanî do merasîmêko taybet ser mezelê kek Feyyazî de do bêro viraştene.
Ez nameye xo, nameyê heme rayber, endam, hetkarî û dostanê PAKî ser o spasîya şarê ma, spasîya heme partî, rêxistin, dezgehê sivîl, keye û kesê ke beşdarê merasîmê Almanya û merasîmê Kercewsî bîyê; bi peyam, telefon, parekerdiş û beyanatû vnuştişê ser sosyal medya ser ra bîyê hemparê xem û dejê ma kena .
Kek Feyyaz Ekmen do zerrîya ma de, do têkoşînê ma de her tim biciwîyo."
08.05.2021
Mustafa Özçelik
Serekê Pêroyî yê PAKî