Ewro serrgêra hêrişê DAIŞî yo pancin o. Terorîstanê DAIŞî panc serrî verî Şingal û dermeleyê ey de Kurdanê Êzidîyan rê qetliam kerdbî.
Roja 3ê Tebaxa 2014î de, terorîstanê rêxistina DAIŞî eştbî Şingal ser û hezaran welatiyê sivîlî ê Kurdê Êzidî kiştbî. Terorîstan hezaran kêna, cinî û domanê Êzidî zî êsîr girewtbî.
Rîyê nê hêrişî ra seyan hezar şarê ma yo Êzidî mecbûr mend ke ca û wareyê xo caverdo û koç biko.
Birîna jenosîdê Şingalî yo ke waye û birayanê ma yê Kurdanê Êzidîyan rê virazîya akerde, birînêka xorîn û zerrîya heme Kurd û Kurdistanîyan de ya.
Heta nika zî xeylê kêna û cinîyê Kurdê Êzidî destê DAIŞî de yê û vindîbîyayî yê.
Heta nika zî gelek şarê ma yo ke mecbûr mendo Şingal terk biko, peyser anêgêrayo erdê xo ser.
Parlamento û Hukmatê Herêma Kurdistanî gere seba piştişê birîna waye û birayanê ma yê Kurdanê Êzidîyan programêko taybet hadre biko û bîyaro ca. Nika Parlamentoyê Kurdistanî keno ke roja 3ê Tebaxe sey roja yadkerdişê jenosoidê Kurdanê Êzidî îlan biko.
Ma zî desteg danê vengdayîşê Serekê Herêma Kuristanî Rêzdar Nêçrivan Barzanî yo ke Netewê Yewbîyayî rê kerdo û waşto wa jenosîdê Kurdanê Êzidîyan bi fermî hetê Netewê yewbîyayî ra bêro ro qebûlkerdiş.
Ma sergêra jenosîdê Şingalî yê pancinî de reyna jenosîdo ke Kurdanê Êzidîyan rê virazîyabi şermezar kenê û ma heme şehîdanê nê jenosîdî bi hurmet yad kenê.
03.08.2019
Buroya Çapemenî û Têkilî ya PAKî