Partîya Azadîya Kurdistanê (PAK) Kongreya xo ya hîrêyîne de nameyê xo bedilna û kerd Partîya Welatparêzên Kurdistanê (PWK)
Partîya Azadîya Kurdistanî (PAK), roja 17ê êlula 2023î de Anqara de Kongreya xo îstîsnayî ya 3. viraşt. Kongreya Îstîsnayî ya PAKî, binê çimdarîya fermî ya Heyetê Weçînayîşî ya Çankaya (Çankaya Seçim Kurulu) de amey kerdene.
PAK û TDK-TEVGERî mabênê rojanê 9 û 10ê êlula 2023î de, Amed de kongreya xo ya yewitîye viraştbî û roja 10ê êlule de bi qirarê delegeyanê kongre, Partîya Welatparêzên Kurdistanê (PWK) awan kerdbî.
Partîya Azadîya Kurdistanî (PAK) kongreya xo ya hîrêyîne de nameyê xo bedilna (vurîna), kerd Partîya Welatparazanê Kurdistanî (PWK).
Kongreya Îstîsnayî ya PAKî hetêk ra bîye kongreya yewine ya îstîsnayî ya Partîya Welatparêzên Kurdistanî (PWK).
Kongre bi qiseykerdişê Hetkarê Serekê Pêroyî yê PAKî Vahît Abayî dest pêkerd.
Semedê Serekê Dîwanê Kongre Mehmet Gul, semedê endamtîya Dîwanê Kongre Nezîhe Karahan û Hanîfî Tûran ameyî pêşnîyaz kerdiş.
Dîwan bi yewvengî ame qebûlkerdene.
Serekê Dîwanê Kongre Mehmet Gul, derheqê muhîmîya kongre de qalîkerdişêk kerd û badê semedê şehîd û qehremananê Kurdistanî deqayêk rêz ame girewtiş.
Serekê Pêroyî yê partî Mustafa Ozçelîk û rayberanê partî Mehmet Can Azbay û Merd Baran Boskanî derheqê rolê tarîxî yê ronîyayîşê Partîya Welatparêzên Kurdistanê (PWK) de qiseykerdişêk kerdî.
Kongre bi wendiş û tesdîqkerdişê raporan û bi qebûlkerdişê bedilnayîşê name, logo, bername û taslakê PAKî dewam kerd.
Bi yewvengî logo, bername û taslakê partî hetê delegeyanê kongre ra ame qebûlkerdiş.
Namê partî bi yekvengî sey Partîya Welatparêzên Kurdistanê (PWK) ame bedilnayîş.
Badê, semedê Serekê Pêroyî, Meclîsa Partî û Heyetê Dîsîplînî weçînayîş ame kerdiş.
Mustafa Ozçelîk bi yewvengî sey Serekê Pêroyî yê Partîya Welatparêzên Kurdistanê (PWK) ame weçînitiş.
Meclîsa Partîyê û Lijneya Dîsîplînê bi yekdengî hatin hilbijartin.
Kongre bi pêşniyaz û temenîyanê delegeyan qedîya.
Heyetê Weçînayîşî yê Çankaya (Çankaya Seçim Kurulu) do roja 18.09.2023î heme belge û dokumentanê kongre teslîmê Yargitayî (Serdozgerê Mehkemeya Berze) biko. Yargitay do badê derheqê kongre de fikir û helwestê xo aşkere biko.
Partîya Welatparêzên Kurdistanê (PWK) şarê ma rê pîroz bo!
17 êlula 2023î
Mustafa Ozçelîk
Serekê Pêroyî yê Partîya Welatparêzên Kurdistanê (PWK)