Buroya Çapemenî ya Partîya Welatparêzanê Kurdistanî (PWK):
Roja Alaya Kurdistanî Pîroz Bo
17ê Teşrîna Peyêne Roja Alaya Kurdistanî ya.
Alaya Kurdistanî ya ke ewro ameya qebûlkerdiş serra 1920î de zî hetê Teşkîlatî Îctîmaîye Cemîyetî ya Kurdan ra bi qirarêk ameya qebûlkerdene.
Hetê Teşkîlatê Xoybûnî ke serewedaritişê 1937 yê Agirî tertip kerd ra Koyê Agirî ser o ameya berzkerdene.
Alaya Kurdistanî 1932î de her di qepaxê Kovara Hawarî, no: 11 (10 Teşrîna Peyêne 1932) bi rengîn amê çapkerdene.
Partîya Demokrat a Kurdistanî ya Îranî, na alaye sey Alaya Kurdistanî qebûl kerd. Pêşmergeyanê Partîya Demokrat a Kurdistanî ya Îranê roja 17ê Kanûne ya 1945î de, bajarê Mehabadî yê Rojhilatê Kurdistanî de, Alaya Îranî serê Awanîya Şaredarîya Mehabadî ra ard war, Alaya Kurdistanî serê awanîye de aliqna.
Dewletî Cumhurîyetî Kurdistan nuşt û na ale sey Alaya Komara Kurdistanî (Komara Mehabadî) qebûl kerd. Rijyayîşê Komara Kurdistanî ra ver, Pêşewa Qazî Muhemmed ala Kurdistanî ya Komara Kurdistanî dano Mela Mistefa Barzanyo qehreman û wina vano: "Na bawer kena şima do wayîrê na Alaya Kurdistanî vejîyê û nêverdê wa bigino erd ro."
Parlamentoyê Herêma Kurdistanî roja 11ê Teşrîna 1999î de 17ê Teşrîna Payêne sey Roja Alaya Kurdistanî îlan kerd.
Na Alaya Kurdistanî, sey qîmetêka neteweyî 100 serrîyo ke sey Alaya Kurdistanî qebûl bîya.
Alaya Kurdistanî hetêk ra zî 200 serrîyo ke sembolê mucadeleyê azadî ya
Ganî na ale seba hemine Kurdistanîyanê dinya sey ala Kurdistanî bêra qebûl kerdene.
Ma Roja Alaya Rengîne ya bi rûmete pîroz kenê.
17.12.2023
Buroya Çapemenî ya Partîya Welatparêzanê Kurdistanî (PWK)